මෙසෙස අතුරුදන් වී ඇත්තේ හිටපු කැබිනට් අමාත්‍යවරයෙකුගේ අවමංගල්‍යක් සඳහා යමින් සිටියදී උපජනාධිපතිවරයා ඇතුළු පිරිස රැගත් ගුවන් යානයයි.
මලාවි ආරක්ෂක බලකායට අයත් ගුවන් යානය ලිලොන්ග්වේ අගනුවරින් පිටත් වූ පසු රේඩාර් පද්ධතියෙන් ඉවත් වී තිබේ.
මලාවි ජනාධිපති කාර්යාලය නිවේදනය කළේ, යානය එම්සූසු ජාත්‍යන්තර ගුවන්තොටුපොළ වෙත ගොඩබෑමට නියමිත වූවත්, යානය පැමිණ නොමැති බවයි.
උපජනාධිපතිවරයා සහ තවත් 09 දෙනෙකු යානයේ සිට ඇති බව විදෙස් මාධ්‍ය වාර්තා කළේ ය.
කෙසේවෙතත් යානය අතුරුදන් වීමට හේතුව මෙතෙක් අනාවරණය වී නොමැති අතර එය සොයා අඛණ්ඩ මෙහෙයුම් ක්‍රියාත්මක බව මලාවි ජනාධිපතිවරයා පැවසීය.
-P.M
