ජේසන් රාජසිංහ නැමැති ඔහු සම්මානයට පාත්‍රව ඇත්තේ, Outstanding Achievement for Lifestyle නැමැති අංශයෙනි.

65 වැනි වාර්ෂික චිකාගෝ/මිඩ්වෙස්ට් එමී සම්මාන උලෙළ පසුගියදා පැවැත්විණි.

ඩිස්කවර් මීඩියාවර්ක්ස් සමාගම වෙනුවෙන් නිර්මාණය කරන Uniquely Wisconsin නමැති වැඩසටහන් මාලාවේ “Farm to table pizzas: The little red barn” නමැති නිර්මාණය වෙනුවෙන් ජේසන් රාජසිංහ සම්මානයට පාත්‍ර විය.

2010 දී PRIME TV ආයතනයට එක්වන ජේසන් සිය මාධ්‍ය වෘත්තිය අරඹන්නේ, නිවේදකයෙකු ලෙසිනි.

පසුව ඔහු CSN නාළිකාවේ රථවාහන වැඩසටහන් මාලාවක් වූ MoTORQUEහි අධ්‍යක්ෂවරයා ලෙස කටයුතු කළේය.

පසුව අමරිකාවට යන ජේසන් RAD PRODUCTIONS USA නමින් සිනමා සමාගමක් ස්ථාපනය කර තිබිණි.

එම සමාගම හරහා ඔහු විසින් ORIGIN නමැති පර්යේෂණාත්මක වැඩසටහනක් නිෂ්පාදනය කරනු ලැබුවේ විවිධ රටවල ආහාර සම්භවය සහ ඉතිහාසය පදනම් කරගනිමිනි.

එහි එක් වැඩසටහනක් ලබන වසරේදී ශ්‍රී ලංකාවේ දී රූගත කිරීමට නියමිතයි.

'' චිකාගෝ/මිඩ්වෙස්ට් එමී සම්මාන උළෙලේ දී සම්මානයන් හිමි වීම ඇත්තටම දිරිගන්වන කාරණයක්. යුනික්ලී විස්කොන්සින් පළමු කතා මාලාවට සම්බන්ධවීම ගැන ඇත්තෙන්ම සතුටුයි. මේ ජයග්‍රහණයත් සමග මගේ අවධානය යොමුවී තිබෙන්නේ අපට යොවුන් ජනතාව කෙරෙහි බලපෑමක් ඇතිකළ හැකි බව සහ ශ්‍රී ලාංකික කුසලතා ජාත්‍යන්තර තලයේදීත් සාර්ථක වන බව පෙන්වන්නයි. ඒකයි අප දැන් ශ්‍රී ලංකාවේදී කරන්නේ. මගේ ආයතනය පසුගිය 10 වසරක් තුළ සිනමා කර්මාන්තය සඳහා යොවුන් පෙළ සකස් කිරීමට කටයුතු කළා. මම අමෙරිකාවෙත් එවැනි සමාගමක් පිහිටුවා තිබෙනවා. එමගින් ශ්‍රී ලංකාව පසුබිම් කරගත් වාර්තා වැඩසටහවක් සකස් කරමින් සිටිනවා. 2025 වසරේදීත් තවත් වාර්තා චිත්‍රපටයක් නිමවෙන්න නියමිතව තිබෙනවා. එමගිනුත් ශ්‍රී ලංකාව ලෝකය වෙත රැගෙන යයි''

-P.M