දේශපාලන අනාථයන් ලංකාවට පිටුවහල් කිරීම ඕස්ට්‍රේලියානු ආණ්ඩුවේ තවත් 'ලජ්ජා සහගත' වැඩක්

Friday, 20 February 2015 15:49

දේශපාලන රැකවරණ පතා පැමිණ පිටුවහල් කැරුණු සිව් දෙනකු ශ්‍රී ලංකාවේ යුද බලධාරීන්ට බාරදුන් ඕස්ට්‍රේලියානු රජය, එරට මානව හිමිකම් සංවිධානක දැඩි දොෂ දර්ශනයට ලක්වී තිබේ. යාත්‍රාවකින් යද්දී ඕස්ට්‍රේලියානු බලධාරීන් විසින් කොකෝස් දිවයින අසළ මහ මුහුදේ දී මේ මස මුල් භාගයේ අත්අඩංගුවට ගන්නා ලද මොවුන්, කඩිමුඩියේ ආපසු යැවීමෙන් හිරගත කිරීමේ හා වද හිංසාවන්ට ලක්වීමේ අවදානමට මුහුණපාන බව මෙල්බර්න් නුවර මූලස්ථානය කොටගත් දෙමළ සරණාගත සභාව පවසයි.

මුහුද මැදදී භාරදෙයි

එම සංවිධානයේ කැඳවුම්කරු ට්‍රෙවර් ග්‍රාන්ට් විසින් මෙම පිටුවහල් කිරීම හඳුන්වන ලද්දේ ‘දයා විරහිත ඕස්ට්‍රේලියානු රජයක් විසින් කරන ලද තවත් ලජ්ජා සහගත වැඩක්’ ලෙසිනි.

රැකවරණ සොයා ආ සිව් දෙනා මහ මුහුද මැදදී ම ශ්‍රී ලංකාවේ බලධාරීන් වෙත භාරදෙන ලද බව ආගමන කටයුතු බාර ඕස්ට්‍රේලියානු අමාත්‍ය පිට්ර් ඩටන් පවසා තිබේ. ආගමන දෙපාර්තමේන්තුව විසින් පිටුවහල් තීරණයට එළැඹ තිබෙන්නේ සාගර සීමාරක්ෂක නිලධාරීන් විසින් ඔවුන් ප්‍රශ්න කොට ලබාගත් තොරතුරු අනුවය.

අයුක්ති සහගත ක්‍රමයක්

trevor grant speaks

කෙසේ වෙතත්, දේශපාලන රැකවරණ පතා එන පුද්ගලයන් වද හිංසාවන්ට ලක්වීමේ රටවලට හරවා යැවීම ජාත්‍යන්තර නීතිය මෙන්ම ඕස්ට්‍රේලියාවේ මානව හිමිකම් රෙගුලාසි ද උල්ලංඝනය කිරීමකි. ඕස්ට්‍රේලියානු කඩිනම් පරීක්ෂණ ක්‍රමවේදය 'දේශපාලන රැකවල් පතා එන්නන් සඳහා වන යුක්ති සහගත ක්‍රමවේදයක් නොවන බව' එරට මානව හිමිකම් කොමිසම විසින් පෙන්වා දී තිබේ. දේශපාලන රැකවරණ පැතීම සහ නීතිමය සහාය ලැබීම සඳහා අයිතියක් ඇති බව එම ක්‍රමවේදයට මුහුණ දෙන පුද්ගලයන්ට කියා නොදීම ඇතුළු මානව හිමිකම් අහිමි කිරීම් ගණනාවක්ම එහිදී සිදුවන බව කොමිසම පවසයි.

දෙමළ සරණාගත සභාව පවසන්නේ ප්‍රශ්න කිරීම සිදුවන්නේ චන්ද්‍රිකා දුරකථන මාර්ගයෙන් බවයි. පසුගිය මාසයේ එසේ ප්‍රශ්න කරනු ලැබූ අයකු අත වූ දුරකථනය 'දහ පහළොස් වතාවක්' බිම වැටීම නිසා ඕස්ට්‍රේලියානු නිලධාරීන් කී දේ පැහැදිළිව අසාගැනීමට නොහැකි වී ඇති බවද ට්‍රෙවර් ග්‍රාන්ට් පවසයි. ශ්‍රී ලංකාවට යවනු ලැබීමෙන් අනතුරුව වද හිංසාවට බඳුන් වීමේ අනතුරට බියේ දෙමළ ජාතිකයෝ තිදෙනෙක් මෙල්බර්න් හා සිඩ්නි නගරවල මහමග ගිනිතිබාගත් බව ඔහු සිහිපත් කරයි.

ශ්‍රී ලංකාවේ රාජ්‍ය නායකත්වයට මෛත්‍රීපාල සිරිසේන අලුතින් පත්වූවත් ඔහු 'මේ දැනෙන වෙනසක් ගෙන එන්නේ නැති බව' පෙන්වාදෙන දෙමළ සරණාගත සභාවේ කැඳවුම්කරු කියා සිටියේ උතුරේ රඳවා සිටින යුද හමුදාවත්, ත්‍රස්තවාදය වැළැක්වීමේ පනතත්, ජනාධිපති සිරිසේන විසින් ඉවත් නොකිරීමම දෙමළ ජනයාගේ බිය වටහා ගැනීමට ප්‍රමාණවත් හේතු සපයන බවයි.☐

© JDS

Leave a comment

Gossip

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්   

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්  

ජනාධිපති රනිල් වික්‍රසිංහට රාජපක්ෂවරුන්ගෙන් සහ පොහොට්ටු කණ්ඩායමෙන් එල්ල වන බලපෑම් අවම කිරීම වෙනුවෙන්...

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

හිටපු ජනාධිපති ගෝඨාභය රාජපක්ෂව ජාතික ලැයිස්තුවෙන් මන්ත්‍රීධුරයක් ලබා දී අගමැති තනතුරට පත් කරගැනීමේ උ...

අද ඩෙඟා නටන්න හිටපු විපස්සෙට වෙච්ච දේ

අද ඩෙඟා නටන්න හිටපු විපස්සෙට වෙච්ච දේ

ඊයේ ජනාධිපති රනිල් වික්‍රමසිංහ අය වැය ඉදිරිපත් කිරීමන් පසුව අද දිනය වන විට විපක්ෂයේ දේශපාලන පක්ෂ ගනන...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us