නැගෙනහිර ජැටියේ උරුමය රැක්කාට ස්තූතියි. මහින්ද ! Featured

Wednesday, 06 January 2021 15:41

කොළඹ වරාය නැගෙනහිර පර්යන්තය කළමනාකරණය කිසිදු විදේශීය සමාගමකට පැවැරීමට තීරණය කර නැති බව අගමැති මහින්ද රාජපක්ෂ මහතා අද පාර්ලිමේන්තුව හමුවේ සහතිකයක් ලබාදෙන ලදී.

ජවිපෙ නායක අනුර කුමාර දිසානායකගේ ප්‍රශ්න කිරීමකට පිළිතුරු වශයෙන් ඔහු මේ බව පැවසීය.

පසුගිය යහපාලන යුගයේදී නැගෙනහිර ජැටියේ මෙහෙයුම් විදේශීය සමාගමකට පැවැරීමට තීන්දු කර ඒ වෙනුවෙන් ඉන්දියානු සහ ජපාන සමාගම් සමඟ සාකච්ඡා කිරීමට පියවර ගනු ලැබීය ඒ අනුව ඉන්දියාන්වේ අදානි නම් සමාගමකට එහි කොටස් සියයට 49 ක් පැවැරීමට සහ ඉතිරි සියයට 51 රජය යටතේ තබා ගැනීමට අවබෝධතා ගිවිසුමකටද එලඹ තිබිණි.

මේ සම්බන්ධයෙන් වරාය සේවන්ගේ බලවත් විරෝධය එල්ල වී තිබූ අතර එවකට විපක්ෂ නියෝජනය කළ ඒකාබද්ධ විපක්ෂය සහ ජවිපෙ වැනි පක්ෂද ඊට එරෙහි විය.

ඒ කෙසේ නමුත් වත්මන් ආණ්ඩුවද එම ගිවිසුම ප්‍රකාරව වරාය ජැටිය අදානි සමාගමට පැවැරීමට තීන්දු කර ඇති බවට ලොකු හාහුවක් පැතිර ගියේය. ඒ සම්බන්ධයෙන් වරාය විෂය භාර ඇමැතිවරයා පවා කීවේ එම ගිවිසුම අනුව එම වැඩ කටයුත්ත සිදු වෙනු ඇති බවටය. එහෙත් ඒ ගැන ආණ්ඩු පක්ෂය තුලම මත ගැ‍ටුම් ඇතිව තිබිණි. ආණ්ඩු හිතවාදීන්ගේද විරෝධතා එල්ල විය.

ඒ කොහොම නමුත් අද මහින්ද රාජපක්ෂ මහතා නිවැරදි ස්ථාවරයක පිහිටමින් නැගෙනහිර ජැටිය කිසි විදේශ සමාගමකට පවරන්නේ නැති බව පැවසීම ආණ්ඩුව හමුවේ වූ විශාල චෝදනාවක් ගලවා විසිකිරීමක් ලෙස හැඳින්විය හැකිය.

මේ ජැටිය සංවර්ධනය කර එහි සමස්ථ ආදායම වරාය අධිකාරියට ලබා ගැනීමේ හැකියාව තිබිය දී එහි මෙහෙයුම් කළමනාකරණය වෙනත් රාජ්‍යයකට පැවැරීමට කටයුතු කිරීම මුග්ධ ක්‍රියාවක් බව පැහැදිලිය. මහින්ද රාජපක්ෂ මහතා වරාය අධිකාරිය ගැන එහි සේවකයන් ගැන විශ්වාසය තබා එය දැන් වරාය අධිකාරියේ උරුමයක් කර තිබෙන තතු යටතේ දැන් එම අධිකාරියෙහි එම අමාත්‍යංශයෙහි වගකීම වන්නේ මෙම නැගෙනහිර ජැටිය රටේ සෞභාග්‍යය වෙනුවෙන් වන ධන උල්පතක් කිරීමේ වගකීමය.

Leave a comment

Gossip

චම්පික ජනපති සිහිනයෙන් අවදිවෙලා.. ආණ්ඩුවට එකතු වෙන ලයින් එකක් !

චම්පික ජනපති සිහිනයෙන් අවදිවෙලා.. ආණ්ඩුවට එකතු වෙන ලයින් එකක් !

චම්පික රණවක පසුගිය දිනවල ලක ලැහැස්ති වූයේ 2024 ජනාධිපති අපේක්ෂකයා වීමේ අපේක්ෂාවෙන් යුතු මහා මෙහෙයුමක...

පළාත් සභා ඕනෑමයි..මන්ත්‍රීකම් නැතුව ජීවත්වෙන්න බෑ.. - විජිත හේරත්

පළාත් සභා ඕනෑමයි..මන්ත්‍රීකම් නැතුව ජීවත්වෙන්න බෑ.. - විජිත හේරත්

ජනතා විමුක්ති පෙරමුණ කවදත් පළාත් සභා ක්‍රමයට එරෙහිව කතා කළේය. සටන් කළේය. මිනී මැරුවේය. ඔවුන් 1987 දී...

පවිත්‍රා සහ සුදර්ශනී අතර කොවිඩ් තරගයක්ද?

පවිත්‍රා සහ සුදර්ශනී අතර කොවිඩ් තරගයක්ද?

රට තුල කොවිඩ් 19 තත්වය මර්දනය කිරීම වෙනුවෙන් පසුගියදා ජනාධිපති ගොඨාභය රාජපක්ෂ විසින් ඒ වෙනුවෙන්ම ප්‍...

සජබෙ දෙදරයි. තිස්සත් චම්පික පිළට

සජබෙ දෙදරයි. තිස්සත් චම්පික පිළට

පාඨලී චම්පික රණවක 2025 ජනාධිපති වීම ඉලක්ක කරගෙන මේ වන විට සිදුකරමින් සිටින දේශපාලන මෙහෙයුමට තිස්ස අත...

අනං මනං

Connet With Us