මේ කියන්න හදන්නෙ වයින් ගැන. නවතම පරීක්ෂණයකට අනුව තහවුරු වෙලා තියෙන්නෙ red wine වලට ශරීරයේ තරබාරු බව අඩු කිරීමේ හැකියාවක් පවතින බවයි.  

මේ ගුණය බෙරි සහ මිදිවලත් තිබෙන බවයි ඔවුන්ගෙ මතය. බොහෝවෙලාවට වයින් සඳහා යොදාගන්නෙ මිදි බව අපි හැමෝම දන්නවා.

මේවායෙහි අඩංගු සංඝටකවලට  ශරීරයේ තැන්පත්ව ඇති මේදය දහනය කිරීමේ හැකියාව ඇති බව පරීක්ෂකයින් පවසනවා.

මේ සඳහා ඔවුන් මීයන් යොදාගෙන පරීක්ෂණයක් සිදු කොට තිබෙනවා. පරීක්ෂණය සඳහා ඔවුන් යොදාගත් මීයන්ට වයින්වල අඩංගු සංඝටකයක්වන resveratrol දිනපතා අවුන්ස 12 බැගින් ලබාදීලා තියෙනවා. එහිදී පෙනීගොස් තිබෙන්නේ එය ලබානොදුන් මීයන්ට සාපේක්ෂව   resveratrol ලබාදුන් මීයන්ගේ බර සියයට 40න් අඩු වී ඇති බවයි.

විද්‍යාඥයන් නිගමන කරන පරිදි resveratrol මීයන්ගේ ශරීරයේ ඇති කැලරි දහනය කර  ශරීරයේ බර පාලනය කරනු ලබයි.

ඒවගේම polyphenol අඩංගු ආහාර අනුභාවයෙනුත් මෙවැනි ප්‍රතිලාබ අත්විය හැකි බව ඔවුන් පවසනවා.

මේ පරීක්ෂණය  මෙහෙයවපු මහාචාර්ය මින් ඩූ පවසන්නෙ වයින්වල සහ යම් යම් පලතුරුවල අඩංගු polyphenol ජානවල ස්වබාවය වෙනස් කරලා ආහාර  මේදවල ඔක්සිකරණය ඉහල දමන බවයි. ඒ හරහා ශරීරයේ තරබාරු බව පාලනය කෙරෙනවා.

මේ අනුව polyphenol අඩංගු පලතුරු ලෙස ස්ටෝබෙරි, ඇපල්, බෙරි, මිදි හඳුන්වනවා.

ඒවගේම මහාචර්යවරයා  පවසන පරිදි වයින් නිපාදවීමේදී සිදුවන පෙරීමේ ක්‍රියාවලිය නිසා වයින්වල ශරීරයට හිතකර ද්‍රව්‍ය අඩංගු වෙන බවයි.