මේ කියන හැටියට නම් මහින්ද රාජපක්ෂට ලොකු අතේ අමාරුවක් තිබී ඇත. නිතර නිතර අවුරුදු ගානක් තිස්සේ මිරික මිරිකා සිටිමේ මොකක් හෝ බරපතල ලෙඩක් බව හැහැදිලිය. එපමණක් නොව ඒ පරම්පරාවෙන් පරම්පරාවට යන ජාන ගත ලෙඩක් බවටද සැකයක් නැත. ඩී ඒ රාජපක්ෂ ටත් එවැනි අතේ මාරුවක් තිබුණාද කියා පරණ වාර්තා සොයා ගැනීම ඔළුවේ අමාරුවට වගේ කරන්න පුලුවන් වැඩක් වේ.
කෙසේ නමුත් මහින්දගේ අතේ අමාරුව තමුන්ගේ දෛවය තීරණය කරන තරම් ලොකු සංසිද්ධියක් වනු ඇතැයි මිනිහාටවත් හිතන්නෙ නැතුව ඇති.
කොහොම නමුත් මහින්ද මිරික මිරික හිටපු ගැජමැටික් එකට කියන්නේ 'වජ්‍රය' කියල බව ඒ ගැන දන්නා උදවිය කියති
"...වජ්‍රය දෙවියන්ගේ ආයුධයකි. වජ්‍රය කිසිවිටෙකත් නරක යටපත් කිරීමට මිස තම සිතෙහි ඇති නරක සිතිවිල්ලක් ඉස්මතු කරගැනීමට ඉඩ නොදේ. තම ප්‍රයත්නය, අදහස නිර්මල නම් එය මුදුන් පමුණුවාගැනීමට අවශ්‍ය ශක්තිය වජ්‍රය තුළින් ගැලීම තුළ එම අදහස මුදුන් පමුණුවා ගැනීමට විශාල ආධාරයක් වේ. නමුත් තම අදහස් අපවිත්‍ර නම් වජ්‍රය තුළින් ගලන නිර්මල ශක්තිය සමඟ කිසි විටකත් පෑහෙන්නේ නැත.
එසේ වූ කල එම ශක්ති ගලනය තමා අවුල්සහගත තත්ත්වයකට ඇද දමයි. ධර්මයේ හැසිරෙන ජන නායකයකුට වජ්‍රයේ ශක්තිය අපමණය. මන්ද වජ්‍රය ධර්මය සමාජය තුළ රැකගැනීමට මහත්සේ ලෝක ඉතිහාසයේද භාවිත කෙරුණක් බව ඉන්ද්‍ර දෙවිඳුන්, ධර්මය වනසන අසුරයන් විනාශ කිරීමට භාවිත කළ අවිය ලෙස කියැවෙන නිදසුන් ඇති බැවිනි.
දැළිපිහිය ඇත්තේ කිරි කෑමට නොව රැවුල බෑමටය. හැන්ද කිරිකෑමට භාවිත කළ හැකි නමුත් හැන්දෙන් රැවුල කැපීම සිදු කළ නොහැකිය. මෙය අප තෝරා බේරා ගත යුතුය. තමුන්ගේ අභිප්‍රාය නිර්මල නම් වජ්‍රය නිසැක ප්‍රතිඵල ගෙන දෙනු නිසැකය. එසේනම් වජ්‍රය මඟින් තමුන් වෙත එල්ලවන සියලු අසුබවාදී බලපෑම් මැඬපවත්වා එය දරන්නා ඉස්මතු කරවීම සිදු කරයි. නමුත් වජ්‍රය දරන්නාද අසුබවාදී අදහස් පාපතර අදහස් දරයිනම් වජ්‍රය එම අදහස් සේම එම අදහස් ඉපදෙන මූලයද විනාශ කර දැමීමට උපකාරී වේ..."
ඉතිං මහින්ද පැරදුනේ මේ අතේ අමාරුව නිසා බව පැහැදිලිය.
දැන් පැරදුන මහින්ද මේ වජ්‍ර ගැජමැටිකය තවමත් මිරිකනවා නම් ඔහු දැන් කළ යුත්තේ පිනක් දහමක් කරගෙන පැත්තකට වී මෛත්‍රී බවුන් වැඩීමය.
එය හිතේ අමාරුවටත් හොඳය.
- විලාසිනී
