පසුගිය කාලයේ චිත්‍රපටවල විවිධ චරිත සඳහා යම්තාක් දුරට සාධාරණයක් ඉටුකිරීමට හැකිවීම පිළිබඳව තමන් සතුටුවන බව ඇය ප්‍රකාශ කළත්, ඇය සිය ඒකාකාරී සිනමා ජීවිතයෙන් ඉදිරි කාලයේදී ඉවත්වීමට තීරණය කර ඇති බව විදෙස් මාධ්‍ය අනාවරණය කරයි.
ක්‍රිස්ටීන් ස්ටුවර්ට් රූපවාහිනී සම්මුඛ සාකච්ඡාවකදී පවසා ඇත්තේ සිනමා ක්ෂේත්‍රයේ පවතින තරඟයෙන් තමන් හෙම්බත් වී ඇති නිසා සමාජයෙන් ඈත් වී නිදහසේ හුස්ම ගැනීමට තීරණය කර ඇති බවයි. ඉදිරි කාලයේ විවේකව ගත කරමින් චිත්‍ර අඳිමින් ගතකරලා සැහැල්ලුවෙන් ගත කිරීමට ඇය කැමැත්තක් දක්වන බව පැවසේ.
2014 වර්ෂයේදී ඇය රංගනයෙන් දායක වූ අවසාන චිත්‍රපටය වන්නේ ස්ටිල් ඇලිස් චිත්‍රපටයයි. එම චිත්‍රපටය ආදායම් වාර්තා අතරට පැමිණි චිත්‍රපටයක්ද විය.
කෙසේ නමුත් ඇය මෙම වර්ෂයේදී (2015) ආරාධනා ලැබී ඇති චිත්‍රපට සඳහා කැමැත්ත ප්‍රකාශ කර නොමැති බවද විදෙස් මාධ්‍ය පෙන්වා දෙයි. මෙම පුවත පිළිබඳ ඇගේ රසිකයන් දැඩි කනස්සල්ලෙන් පසුවන බව වාර්තා වේ.
