මෙම නවීන තාක්ෂණික ක්‍රමවේදයට අනුව මියගිය පුද්ගලයෙකුගේ ශරීරයේ අළු දියමන්ති බවට පත්කිරීමට හැකියාව ලැබේ. ඒවා නියම පිරිසිදු දියමන්තිය. මේ නිසා සදාදරණීය අයෙකු වටිනා දියමන්තියක් ලෙස සුරැකිව ළග තබා ගැනීමටද හැකි වනු ඇත.
මිනී අළු දියමන්ති බවට පත්කිරීමේ මෙම විශ්මිත විද්‍යාත්මක ක්‍රියාවලිය සිදු කිරීම සදහා (Algordanza) යනුවෙන් හදුන්වන එම සමාගම යන්ත්‍රයන් ගණනාවක්ම භාවිතා කරයි. මියගිය පුද්ගලයෙකු සිහිකරවන සිවිටනයක් ලෙස මෙම දියමන්තිය කෙතරම් අගනේද යන්න අමුතුවෙන් පැවසීමට අවශ්‍ය වෙන්නේ නැහැ. මියගිය පුද්ගලයාගේ ශරීරයේ අළු වලින් කාබන් වෙන්කරගෙන පසුව ඒවා මිනිරන් (ග්‍රැෆයිට්) බවට පත්කරනු ලබනවා. පසුව සුවිශේෂී වූ විද්‍යාත්මක ක්‍රියාවලියකට ඒවා භාජනය කොට දියමන්ති බීජයන් නිර්මාණය කරගැනීමට එම සමාගම කටයුතු කරයි.
මිනී අළු වල කොපමණ බෝරෝන් ප්‍රමාණයක් අන්තර්ගත වෙනවාද යන්න මත එහි වර්ණය තීරණය වේ. වැඩි වශයෙන් බෝරෝන් අන්තර්ගත වුවහොත් එම දියමන්ති වඩාත් නිල් පැහැයක් ගනී. මියගිය ඔබගේ ආදරණීය හිතවතෙක් සිහිවටන දියමන්තියක් බවට පත්කරගැනීමට අවශ්‍යයි කියා ඔබත් සිතනවානම් වැඩි දුර විස්තර සදහා ඔවුන්ගේ නිල වෙබ් අඩවිය වෙත පිවිසෙන්න.
එම සමාගමේ නම ගූගල් හී සර්ච් කරබැලීමෙන් ඔවුන්ගේ නිල වෙබ් අඩවියට ඔබට පිවිසෙන්නට හැකියාව ලැබේ. එම වෙබ් අඩවිය පරිශීලනය කර මෙහි සත්‍ය අසත්‍ය තාවය ඔබටම අවබෝද කරගත හැකිය.
මළසිරුරු දියමන්ති බවට පත්කරන යන්ත්‍රය.
එකතු කරගනු ලැබූ කාබන් වල පෙනුම තමයි මේ පහතින් ඔබ දකින්නේ.
ආරම්භක ක්‍රියාවලියේදී එය දිස්වන ආකාරය.
නිමනොකරන ලද නිෂ්පාදනය
මිනී අළු දියමන්ති බවට පත්කිරීමේ අවසාන ප්‍රතිපලය නම් මේ මනස්කාන්ත දියමන්තියයි.
