රක්නා ආරක්ෂක ලංකා ආයතන්යේ හිටපු සභාපති හා ඇවන්ගාඩ් සමාගමේ සභාපතිවරයා අල්ලස් චෝදනාවක් මත අත් අඩංගුවට ගත්තද මහෙස්ත්‍රාත් අධිකරණය විසින් එදිනම ඇප ලබාදීම සම්බන්ධයෙන් වන තීන්දුව අභියෝගයට ලක් කරමින් අල්ලස් කොමිසම කොළඹ මහාධිකරණය හමුවේ නඩු පැවැරූ අතර එහි තීන්දුව අද දින ප්‍රකාශයට පත් කරමින් විනිසුරු පියසේන රණසිංහ මහතා පැවසූවේ මහෙස්ත්‍රාත් අධිකරණය ඇප ලබා දීමේ තීන්දුව නිවැරදි බවය. ඒ අනුව අල්ලස් කොමිසම එම ඇප අවලංගු කරන ලෙස කළ ඉල්ලිම ප්‍රතික්ෂේප කෙරිනි.

රාජපක්ෂ යුගයේ සිදු වූ සියල්ල දූෂිතයි, වංචාකාරියි, නාස්තිකාරියි යනුවෙන් චෝදනා කරන වත්මන් යහපාලකයෝ, ජවිපෙ වැනි බංකොලොත් දේශපාලන පක්ෂ, ඩොලර් මත යැපෙන එන්ජීඕ කාක්කෝ ද තමන්ගේ පැවැත්ම වෙනුවෙන්, මෙය කරමින් සිටින බව හා තවදුරටත් සිදු කරමින් සිටින බව, වත්මන් දේශපාලන විපරිතය වටහා ගැනීමට පහසුම ආකාරය විය හැකිය.