මෙතෙක් මේ රටේ පැවැති සාහිත්‍ය සම්මාන උළෙල මගින් නවකතාවේ -කෙටි කතාවේ කවියේ සහ ළමා සාහිත්‍ය යේ නිරතවී සිටි ප්‍රවීණ පිරිසක් පමණක් වරින්වර හැමදාමත් සම්මාන දිනාගනිද්දී සිය පළමු නවකතාව - පළමු කෙටිකතා සංග්‍රහය -පළමු කාව්‍ය සංග්‍රහය - පළමු ළමා කෘතිය ලියා පළ කළ ලේඛකයන් කිසිදු විනිශ්චය මණ්ඩලයක අවධානයට ලක් නොවී යටපත් වූයේය.
Lankalivestar.comවෙබ් අඩවියේ අවධානය යොමුවූයේ ඒ පිරිසගේ කෘතීන් ය.
ඒ අනුව මේ රටේ පළමු වරට ප්‍රථම නවකතාව- පළමු කෙටිකතා සංග්‍රහය - පළමු කාව්‍ය සංග්‍රහය- පළමු ළමා කෘතිය ලියා පළ කළ ආධුනික-ප්‍රවීණ ලේඛක- ලේඛිකාවන්ගේ කෘති සැලකිල්ලට ගනිමින් සයිබර් අවකාශ සම්මාන නමින් සම්මාන උළෙලක් පැවැත්වීමට කටයුතු යොදා ඇති අතර එය පෙබරවාරි 03 දා සවස 3.00 ට ජාතික පුස්තකාල සේවා මණ්ඩලීය ශාලාවේදී පැවැත්වෙයි.
එම සම්මාන උළෙලේදී සම්මාන පිරිනැමීම සඳහා නිර්දේශිත කෘති මෙසේය.
------------------
කාව්‍ය සංග්‍රහ - ලාල් හෑගොඩ සම්මානය
-සැදෑ යාමය- සිරිනිමල් ලක්දුසිංහ
කාගෙද වසන්තය- ජයතිලක කම්මැල්ලවීර
ආලවක ආලිංගන- චමින්ද ප්‍රදීප් සිල්වා ගුණරත්න
මිත්‍රවරුණි, විප්ලවය සිදු වුයේ නැත- චිරන්ත ජයසේන
අගුලු ලූ හැගුම් දොර- නිශාන්ත මල්ලවාරච්චි
විනිශ්චය මණ්ඩලය- තිඹිරියාගම බණ්ඩාර... උපුල් සේනාධිරගේ.. අජිත් නිශාන්ත ගමරාල.. මහින්ද ප්‍රසාද් මස්ඉඹුල.. ජයසිරි අලවත්ත..
කෙටිකතා- අජිත් තිලකසේන සම්මානය
බර්ට්‍රම් නිහාල්- තහනම් ගහේ ඇපල්
ඩබ්.ඒ.එන්.ඒ විජේසූරිය- විසංවාදය
නිශාන්ත වැලිඅංග- සමරදිවාකරගේ භාර්යාව
විනිශ්චය මණ්ඩලය-.. ටෙනිසන් පෙරේරා-.අනුරසිරි හෙට්ටිගේ.. ගුණසිරි සිල්වා
නවකතාව- සයිමන් නවගත්තේගම අනුස්මරණ සම්මානය
නැදිමාලේ miniහෙක් -පාස්වර්ඩ්
කෞශල්‍ය කුමාරසිංහ- මේ රහස් කවුළුවෙන් එබෙන්න
චම්පා වෛද්‍යතිලක- ඇදහිය නොහැකි නිහඩතාවය
විනිශ්චය මණ්ඩලය- සමන් වික්‍රමාරච්චි
පියල් කාරියවසම්
අරුණ ලොකුලියන
මීට අමතරව සිසු නිර්මාණ තුනක් සම්මානයට පාත්‍ර කෙරෙන අතර සිසු නිර්මාණ විස්සක් කුසලතා සහතික පිරිනැමීමට නියමිතය.
සම්මාන අනුග්‍රහය සරසවි/ ගොඩගේ/සදීපා/සමයවර්ධන/දයාවංශ ජයකොඩි සහ ප්‍රකාශකයන්ගෙනි
