භවතරණ රාජපුත්‍ර ප්‍රඩක්ෂන් හි නිෂ්පාදනයක් වන අතර ක්ෂේත්‍රීය ෆිල්ම්ස් හි ඉදිරිපත් කිරීමකි.
මෙහි නිළි රැජින මාලිනී ෆොන්සේකා, ශ්‍රියන්ත මෙන්ඩිස්, රොෂාන් රවින්ද්‍ර, උදයන්ති කුලතුංග, රොෂාන් පිලපිටිය, ශ්‍රී මාල් වෙඩිසිංහ, දීපානි සිල්වා, නිලන්ති විජේසිංහ, මහේන්ද්‍ර පෙරේරා, කාංචනා මෙන්ඩිස්, චන්දික නානයක්කාර, රිචඩ් මානමුදලි, සංඛේත් වික්‍රමගේ, බුද්ධි වික්‍රම, කාංචන කොඩිතුවක්කු, අසේල ජයකොඩි හා ඇලෙක්ස් ප්‍රනාන්දු ඇතුළු පිරිස ප්‍රධාන භූමිකා රඟති.
නවරත්න ගමගේගගේ සංගීත අධ්‍යක්ෂණය මුහුව ඇති බවතරණ හි ගීත දෙකක පද රචනය සිදුකර ඇත්තේද එහි අධ්‍යක්ෂ දේවින්ද විසිනි.
ඒ ගීතදෙක සංගීතවත් කර ඇත්තේ ජගත් වික්‍රමසිංහය.
මේ සිනමා පටයේ පශ්චාත් නිෂ්පාදන අධීක්ෂණය ප්‍රවීන් ජයරත්න විසින් සිදුකර තිබේ.
සිනමා පටය පිළිබඳව වැඩි දුරටත් අදහස් දක්වමින් දේවින්ද මෙසේ ද පැවසීය.
''එදා උන්නු අය අද නෑ .අද ඉන්න අය හෙට නෑ. ඉතුරු වෙන්නෙ ඒ අය කරන කියන දේයි, ඒයින් සමාජයට ඇතිවෙන හෙඳ නරක බලපෑමයි විතරයි.
යුග පුරුෂයන් බිහිවෙන්නෙ යුගයේ උවමනාවට. සමාජයේ උවමනාවට. දේශපාලනයේ උවමනාවට. ඒ යුග පුරුෂයන් ඇතිවෙන්නෙත් නැතිවෙන්නෙත්
ඒ අයගෙ කල්කි‍්‍රයාවෙන්........''
දේවින්ද කෝන්ගහගේ ටෙලිවිෂනයෙන් සිය නිර්මාණ කාර්්‍යය අරඹා මේ වනවිට සිය ප‍්‍රථම සිනමා නිර්මාණය වූ භවතරණ ප‍්‍රදර්ශණය කිරීම සඳහා සූදානම් ව සිටී. ඔහුගේ ප‍්‍රථම සිනමා නිර්මාණයේ විශේෂ පූර්ව දැක්ම සහ මාධ්‍ය හමුවක් මාධ්‍යවේදීන් සඳහා පමණක් මෙම මස 09වන දින සවස 3.00ට ජාතික චිත‍්‍රපට සංස්ථාවේ තරංගනී සිනමාශාලාවේදී පැවැත්වීමට කටයුතු යොදා ඇත.
