ඔහුගේ සමාගමට පසුගියදා අවුරුදු 20 ක් පිරිලා. ඉතින් ඔහු එහි සේවය කරන සේවකයන් 12000ක් අතරින් සේවකයන් 6400කට දින හතරක ප‍්‍රංශයේ සංචාරයක් සංවිධානය කර තිබෙනවා.
ඒ අනුව පැරීසියේ පිහිටි ලෝක ප්රසිද්ධ ලූවර් කෞතුකාගාරය, අයිෆල් කුළුන, නොහඳුනන සොල්දාදුවන්ගේ ස්මාරකය පිහිටි ඩිගෝල් වට රවුම, මෝලින් රූශ් රඟහල ආදිය නැරඹීමට සුදානම් කරලා.
එම සේවක පිරිස සදහා පැරීසියේ පිහිටි හෝටල් 140ක කාමර 4,760ක් වෙන් කරවලා.
මෙම සංචාරය ගිනස් ඉතිහාසයට එකතු වන ගිනස් වාර්තාවක් බව මාධ්‍ය වාර්තා කර තිබෙනවා. මේ ගමනේදී ඔවුන් ලෝකේ දිගම මිනිස් දම්වැල නිර්මාණය කර තිබෙනවා.
පසුගිය වසරේ මෙම සංචාරය සදහා මොස්කව් නගරය තෝරා ගෙන තිබුනත් මෙතරම් සේවකයන් ප‍්‍රමාණයක් සහභාගි වී නැහැ.
