දිය වළක් අසළ රැකගෙන සිටි සිංහයකු හා දිය බීමට පැමිණි කුළු මීමෙකු අතර ඇතිවූ මේ සටන පුරා පැයක් පමණ පැවත තිබේ.
සත්ත්වයන් දෙදෙනා විනාඩි 10 ක් පමණ සටන් කර විනාඩි 5 ක් පමණ විවේකයෙන් සිට නැවත විනාඩි 10 ක් පමණ සටන් කිරීම සිදුකළ බව මැට් කියයි.
සටන අවසානවී තිබෙන්නේ ඒ වන විට දිය වළ අසලට පැමිණ සිටි කුළු හරකාගේ රංචුවේ සාමාජිකයෙකු පැමිණ සිංහයාට පහරක් එල්ල කර තම සගයා බේරා ගත් පසුවය.
දෙදෙනාම ඒ වන විට හොඳ හැටි තුවාළ ලබා ලේ පෙරමින් සිට ඇත.
දින දෙකකට පසුව සිංහයා මියගොස් ඇති අතර කුළු මීමා තුවාළ නිසා වූ ආසාදනයකට ලක්ව මරණයට පත්ව තිබේ.
සිංහයින් සාමාන්‍යයෙන් තනි කුළු මීමෙකුට වුවද පහර දෙන්නේ රංචුවක් වශයෙනි. වනයේ රජා වුවත් කුළු මීමාට සිංහයාද බියක් දක්වයි.
නමුත් මෙම සිංහයා තනිව කුළු මීමෙකු යටත් කර ගැනීමට උත්සාහ කරන්නට ඇත්තේ කුසගින්න නිසා වන්නට හැකියැයි මැට් පවසයි.
