ඒ අනුව පයිතන් 3200 ග්‍රාහකයේ සුන්බුන් පෘථිවි වායුගෝලයේ ගැටීමත් සමඟ මෙම උල්කාපාත වර්ෂාව නිරීක්ෂණය කළ හැකි බව එම මධ්‍යස්ථානය සඳහන් කරයි.

තත්පරයට කිලෝමීටර් 35ක් පමණ වන සාමාන්‍ය වේගයකින් පතිත වන මෙම උල්කාපාත වර්ෂාව දිස්වන්නේ මිථුන (Gemini) රාශියේ Castor තාරකාව ආශ්‍රිතවය. තාරකා විද්‍යාඥයින් පවසන්නේ ආසන්න වශයෙන් පැයකදී උල්කාපාත 120ක් පමණ නිරීක්ෂණය වනු ඇති බවය.

උල්කාපාත වර්ෂාවක් ඇති වෙන්නේ පෘථිවිය ආසන්නයෙන් ගමන් කරන වල්ගාතරුවක (ධූමකේතුවක) බලපෑම නිසා වුවද මෙම Geminid උල්කාපාත වර්ෂාව බිහිවන්නේ ඇස්ටරොයිඩයක බලපෑම නිසා යැයිද තාරකා විද්‍යාඥයෝ පවසති.

සූර්යයා වටා කක්ෂයක ගමන් කරන මෙම ඇස්ටරොයිඩය හඳුන් වන්නේ 3200 Phaëthon නමින් වන අතර සූර්යයා ආසන්නයෙන්ම ගමන් කරන ඇස්ටරොයිඩය වන්නේත් මෙම ඇස්ටරොයිඩයයි.

කෙසේ වෙතත් ඊයේ (13) දිනත් මෙම රෑ Geminids උල්කාපාත වර්ෂාව ඇදහැලුණු අතර දෙසැම්බර් 24 දක්වා පවතින බව වාර්තාවේ.

ඇහැලියගොඩ ප්‍රදේශයට ඇද හැලුණු උල්කාපාත වර්ෂාව...

ඡායාරූප - Thilina Kaluthotage Photography

මෙය  ඔහුගේ සිය මුහුණපොතේ පළ කළ සටහනකි.

ඔය පළවෙනි Photo එකේ තියෙන්නෙ Fireball එකක්, ඒක මගේ පියවි ඇසෙන් ගොඩක් වෙලා දැක්කා. ඒ කියන්නෙ තත්පර 3-5ක් වගේ. ගිණිගෙන විනාශ වෙනකම්ම. මගේ ජීවිතේ දැකපු දෙවනි Fireball එක. මීට අවුරුදු 10-12 ට කලින් ඉස්කෝලෙ යන කාලෙ එකක් දැක්කා. මන් විශ්වාස කරනව ඒක Fireball එකක් කියල.

අනෙක් Photo වල තියෙන්නෙ සාමාන්‍ය උල්කාපාත (ඒව වල සංයුතිය එක්ක වර්ණ වෙනස් වෙනව, දෙවනි සහ තුන්වෙනි Photo වල උල්කාපාත වල වර්ණ එක්ක ඔයාලට ඒ ගැන Idea එකක් ගන්න පුලුවන්)