අග්‍රාමාත්‍ය මාධ්‍ය ඒකකය දිගින් දිගටම නොසැලිමත්ව ක්‍රියාකිරීම නිසා ඒ පිළිබදව මේ ආකාරයෙන් කෙටි සටහනක් තබන්නට අප කල්පනාකලා. සමන් අතාවුද හෙට්ටි මහතාගේ මූලිකත්වයෙන් ක්‍රියාත්මක වන රනිල් වික්‍රමසිංහ මහතාගේ සහ එක්සත් ජාතික පක්‍ෂයේ මාධ්‍ය ඒකකය දිගින් දිගටම නොසැලිකිලිමත්ව ක්‍රියාකරයි. අඩුම තරමින් බෙහෙත් පෙත්තක් බොන්න වතුර පොදක්වත් නැති සිරිකොත මූලස්ථානයේ පැවැත්වෙන් මාධ්‍ය සාකච්ඡාවක සාමාන්‍යයෙන් පැය භාගයක් විනාඩි 45 හෝ පැයක් පරක්කුවීම සාමාන්‍ය දෙයකි. එයට ආවරණය කිරීමට පැමිණෙන මාධ්‍යවේදීන් ඊට හොඳම සාක්‍ෂියයි.
නිවසේ මෙහෙකාරියට පහරදීමේ චෝදනාව මත ගල්කිස්ස මහේස්ත්‍රාත් අධිකරණයට බාර වූ ශ්‍රේෂ්ඨාධිකරණ විනිසුරු සරත් ද ආබෲ මහතාට ඇප ලබාදී ඇත.
නිවාස ඉදි නොකර කිසිවෙකුට උන් හිටි තැන් අහිමි කරන්නේ නැහැ. - රවී(photos)
නිවාස ඉදිනොකර කොළඹ නගරයේ කිසිවකු පදිංචි ස්ථානවලින් ඉවත් නොකරන බව මුදල් අමාත්‍ය රවී කරුණානායක මහතා පවසයි. කොළඹ නගරයේ ජනතාවට හිසට සෙවණක් ලබාදීමේ වැඩපිළිවෙළ කඩිනම් කිරිමට සැලසුම් කර ඇති බව අමාත්‍යවරයා පෙන්වා දුන්නේය. මට්ටක්කුලිය ප්‍රදේශයේ තරුණයන් පිරිසක් සමග පැවති හමුවකදී අමාත්‍යවරයා මේ බව කියා සිටියේය.
සිය නිවසේ මෙහෙකාරියට පහර දුන් බවට චෝදනා ලබා සිටින ශ්‍රේෂ්ඨාධිකරණ විනිසුරු සරත් ආබෲ මහතා අද(07) ගල්කිස්ස අධිකරණය වෙත භාර වී ඇත.ඔහු නීතිඥවරු දෙදෙනෙකු මාර්ගයෙන් පැමිණ භාරවූ බව වාර්තාවේ.
ඩිව් කටයුතු කරල තියෙන්නේ දේශපාලන වාසි වෙනුවෙන් -අගමැති
පසුගිය ආණ්ඩුව සමයේ මහබැංකුවේ එදා සිදුවූ දේවල් ගැන සොයන්නේ නැතිව ඩිව් ගුණසේකර එදා සිටියේ නින්දේ බව අගමැතිවරයා පවසයි.මහ බැංකු බැදුම්කර සම්බන්ධ කෝප් අතුරු කමිටුවේ වාර්තාව පිළිගත නොහැකි බව අද(07) සිරිකොත පක්ෂ මූලස්ථානයේ දී විශේෂ ප‍්‍රකාශයක් සිදු කරමින් අග්‍රාමාත්‍ය රනිල් වික්‍රමසිංහ මහතා පැවසුවේය.
මහින්දට ශ්‍රී ලනීප නාම යෝජනා ස්ථිරයි. මෛත්‍රී මහින්දට දැනුම් දෙයි
හිටපු ජනාධිපතිව මහින්ද රාජපක්ෂ මහතාට නාම යෝජනා ස්ථිර වශයෙන් ලබා දෙන බව අද (07)උදැසන දුරකථන පණිවිඩයක් ලබා දෙමින් මෛත්‍රීපාල සිරිසේන මහතා රාජපක්ෂ මහතාට දැනුම් දී තිබේ. ඒ අනුව හෙට දින මහින්ද රාජපක්ෂ මහතාගේ නාම යෝජනා පත්‍රයට අත්සන් තැබීම සිදුවේ.
මහින්ද රාජපක්ෂ අාණ්ඩු සමයේදී ජනපති ලේකම් කාර්යාලයට අයත් වාහන අයථා ලෙස පරිහරණය කළ බවට චෝදනා ලැබ රිමාන්ඩ් කර සිටින හිටපු පාර්ලිමේන්තු මන්ත්‍රී සජින්ද වාස් ගුණවර්ධන අද(07) යළිත් වරක් රිමාන්ඩ් කිරීමට නියෝග කර තිබේ.
ඉදිරි මහමැතිවරණයේදී මෛත්‍රී-මහින්ද සහ‍යෝගයෙන් යුතුව එක්සත් ජනතා නිදහස් සන්ධානය යටතේ හිටපු ජනාධිපති මහින්ද රාජපක්ෂ මහතාට තරග කිරීමට නොලැබුනහොත් විමල් ගී ගනගේ පක්ෂ ලේකම් ධූරයෙන් යුතු ශ්‍රී ලංකා ජාතික පෙරමුණෙන් 'මල් පොහොට්ටුව' ලාංඡනයෙන් තරඟකරන බව දේශපාලන ආරංචි මාර්ග සඳහන් කරයි.
