ඒඅනුව ශ්‍රීලනීප ප්‍රබලයන් වන රාජිත සේනාරත්න, හිරුණිකා ප්‍රේමචන්ද්‍ර, අර්ජුන රණතුංග, සුදර්ශනි ප්‍රනාන්දු පුල්ලේ, හේමාල් ගුණසේකර, නියෝමාල් පෙරේරා, එම්.කේ.ඩී.එස් ගුණවර්ධන, ප්‍රසන්න සෝලංගාරච්චි, විජය දහනායක, අර්ල් ගුණසේකර, සරත් අමුණුගම, ආදී ප්‍රබලයන් බොහෝ පිරිසක් මෙම නව පෙරමුණෙන් තරග වැදීමට සූදානම්ය.
මේ අනුව "යහපාලනය සඳහාවූ එක්සත් ජාතික පෙරමුණ" නමින් තරග කිරීම පිළිබඳ යෝජනාව අද (11) බොරැල්ල කැම්බල් පිටියේ දී පැවැත්වෙන එක්සත් ජාතික පක්ෂ මහා සම්මේලනයට ඉදිරිපත් කර සම්මත කරවා ගැනීමට ද නියමිතය. මෙවර මහ මැතිවරණයට හිටපු ජනාධිපති මහින්ද රාජපක්ෂ මහතා එක්සත් ජනතා නිදහස් සන්ධානය යටතේ තරග කිරීමට නාමයෝජනා අස්සන් කිරීමත් සමඟ ඊට දැඩි විරෝධය පළකළ මැති ඇමැතිවරු රැසක් සන්ධානයෙන් ඉවත්ව එක්සත් ජාතික පක්ෂය හා එක්ව තරග කිරීමට එකඟතාව පළකිරීමත් සමඟ මෙවැනි තීරණයකට එළැඹීමට අගමැතිවරයා තීරණය කළේය.
එක්සත් ජාතික පෙරමුණ අපේක්ෂකයන් නාමයෝජනා බාරදීමෙන් පසු රට පුරා එක්සත් ජාතික පාක්ෂිකයන් විහාරමහා දේවි උද්‍යානයට කැඳවා ඔවුන් ඉදිරියේ එක්සත් ජාතික පෙරමුණ හා එක්ව සිටින දේශපාලන පක්ෂ හා සංවිධාන සමඟ අවබෝධතා ගිවිසුමකට අස්සන් කිරීමට ද එක්සත් ජාතික පක්ෂය තීරණය කර ඇත.
