අධ්‍යාපනය රටක සංවර්ධනය සදහා ඉතා වැදගත් බවත් පාසැලෙන් එළියට පැමිණෙන තරුණ තරුණියන්ට හැකියා අවස්ථා අනුව ලෝකය බද්ධවීමට ඉඩ සැලසිය යුතු බවත් ඒ වෙනුවෙන් වැඩි අවධානයක් යොමු කරන බවත් පැවසුවේය.
පසුගිය රාජපක්ෂ රජය රැකියා අවස්ථා අැති නොකර නැව් නොයන වරායන්,ගුවන් යානා නොඑන ගුවන් තොටුපළවල් බිහිකළ බවත් ස්ටේඩියම් ඉදිකළත් ක්‍රිකට් නැති බවත්,ගුවන් පාලම් ඉදිකළත් වාහන නැති බවත් මෙසේ කෝටි ගණනින් සිදු කළ වියදම් වලට අද ගෙවන්නට සිදුවී අැති බව පැවසුවේය.
ජනතාව කන පරිප්පු කොත්තමල්ලි වලට බදු ගසා බලින් ලැබූ බදු අාදායම රුපියල් බිලියන 1050 ක් බවත් ණය පොළිය හා වාරිකය පමණක් රුපියල් බිලියන 1074 ක් බවත් පැවසුවේය.
එවැනි තත්වයක අධ්‍යාපනයට හෝ සෞඛයට වියදම් කළ නොහැකි අතර රජයේ සේවකයන්ට වියදම් කළ නොහැකි බව පැවසුවේය.මෙවැනි තත්වයක සිදුවූ සංවර්ධනයෙන් කිසිදු පලක් නොවූ බවත් විශාල පිරිසක් අසරණ වූ බව කියා සිටියේය.
දළ දේශීය නිෂ්පාදිතයට සාපේක්ෂව සෞඛ්‍යයට හා අධ්‍යාපනයට වියදම් කරන මුදල අනුව ලෝක බැංකුව නිකුත් කර අැති වාර්තාව බලන කළ ශ්‍රීලංකාව සිටින්නේ එහි පහළින්ම බවත් ඒ තත්වය වෙනස්කළ යුතුයැයි කීවේය.
ලෝකය සමග පවතින සබදතා වර්ධනය කර ගත යුතු බවත් අාර්ථිකය ඉදිරියට ගෙන යාමට නම් අපනයන අාර්ථිකය දියුණුකර රජයත් සමග පුද්ලික අංශයේ අායෝජන වැඩිකර ණය ගැනීම වෙනුවට සෘජු අායෝජන ලබාගෙන මේ යන මග වෙනස්කර ඉදිරියට යායුතු බව පැවසුවේය.
