පසුගිය ඉරිදා හිටපු ජනපති මහින්ද රාජපක්ෂ මහතා සහභාගීවූ යටිනුවර පැවැති සන්ධාන රැලියේ සැරසිලි කටයුතු සූදානම් කර තිබූ අවස්ථාවේ විකෘති කළ ජාතික කොඩි ඔසවා තිබූ අතර පසුව ඒවා ඉවත් කර තිබුණි.
එම රැස්වීමේ සැරසිලි කටයුතු භාරව සිටියේ යටිනුවර ප්‍රාදේශිය සභා සභාපතිවරයාය. ඒ අනුව ඔහු මහනුවර අධිකරණයට ඉදිරිපත්කිරීමට නියමිතය.
යටිනුවර ප්‍රදේශයේ පැවැති එක්සත් ජනතා නිදහස් සන්ධාන මැතිවරණ ප්‍රචාරක රැස්වීමක ජාතික කොඩියට සමාන කොඩි කිහිපයක් ප්‍රදර්ශනය කර තිබෙනු දැක එය ඡායාරූපගත කිරීමට ගිය මාධ්‍යවේදියෙකු අත්අඩංගුවට ගැනීමට හිටපු ජනාධිපති මහින්ද රාජපක්ෂ මහතාගේ ආරක්ෂකයන් කටයුතු කර තිබුණි.
අදාළ සැරසිලි සඳහා එම කොඩි භාවිතය සංවිධායක මණ්ඩලයේ සාමාජිකයන්ගෙන් සිදුවූ වරදක් බව පවසමින් එම සැරසිලි ඉවත් කරන තුරු තමාව රදවා ගෙන තබා ගත් බවත් පසුව සැරසිලි උත්සව භූමියෙන් ඉවත් කළ පසු තමාව මුදාහැරීමට කටයුතු කළ බවත් ඔහු පවසා සිටියේය.
කෙසේ වුවද පසුගිය මාර්තු මාසයේදී ද මෙය ඔසවා ගත් අතර පසුව එය ජාතික කොඩිය විකෘති කිරීමක් ලෙස සමාජයෙන් එල්ල වු බැලපැම් නිසා යළි සගවා ගත් අතර නැවත මහින්ද රාජපක්ෂ සහභාගි වූ යටිනුවර සන්ධාන රැලියේ මෙය ඔසවනු ලැබීය.
