පසුගිය රජය මගින් එම මාර්ගය නෙළුම් පොකුණ මාවත ලෙස නම් කර තිබු අතර එය ඉතිහාසඥයකු මෙන්ම ප්‍රවීණ විද්වතකු වන නැසීගිය ආනන්ද කුමාරස්වාමි මහතාට අවමන් කිරීමක් බව අධිකරණ අමාත්‍ය ජනාධිපති නීතිඥ විජයදාස රාජපක්ෂ මහතා පැවසීය.
ජනධිපති මෛත්‍රීපාල සිරිසේන මහතාගේ සහ අගමැති රනිල් වික්‍රමසිංහ මහතාගේ උපදෙස් මත මෙම මාර්ග යළි ආනන්ද කුමාරස්වාමී මාවත ලෙස කොළඹ මහ නගර සභාව විසින් නම් කෙරිණි.
අමාත්‍යවරුන් වන කරූ ජයසුරිය, සුජීව සේරසිංහ, ඩී.එම් ස්වාමිනාදන් මහත්වරු ඇතුළු පිරිසක්ද මේ අවස්ථාවට එක්වුහ.
කීර්තිමත් ඉතිහාසඥයකු හා කලාකරුවෙකු ලෙස ප‍්‍රකට ආනන්ද කෙන්ටිෂ් කුමාරස්වාමි මහතා ශී‍්‍ර ලාංකික විද්වතෙකි.
ඔහු විසින් රචිත 'මධ්‍ය කාලීන සිංහල කලා' නැමැති කෘතිය නුවර යුගයේ මෙරට පැවති කලා සම්ප‍්‍රදායන් පිළිබඳ කරන විශිෂ්ඨතම විග‍්‍රහය ලෙස සලකයි.
කුමාරස්වාමි මහතා 1877 වසරේ අගෝස්තු 22 දින කොළඹදී උපත ලබා ඇති අතර 1947 සැප්තැම්බර් 09 දින ඇමරිකාවේ, මැසචුසෙට්ස් හිදී අභවප‍්‍රාප්ත විය.
