පල්ලෙකැලේ ජාත්‍යන්තර ක්‍රිකට් ක්‍රීඩාංගණය ඉදිකිරීමේදී රුපියල් කෝටි 30 කට අධික වංචාවක් සිදුවූයේද යන්න හෙළිකර ගැනීමට ශ්‍රී ලංකා ක්‍රිකට් ආයතනය හා රාජ්‍ය ඉංජිනේරු සංස්ථාව අතර වූ ගිවිසුම්වල මුල් පිටපත් මූල්‍ය අපරාධ විමර්ශන කොට්ඨාසයට ලබාදෙන ලෙස කොළඹ ප්‍රධාන මහේස්ත්‍රාත්වරයා එම ආයතනවල කළමනාකරුවන්ට ඊයේ (11) නියම කළේය.
විවාහයෙන් පසුව ක්‍රිකට් ක්‍රීඩකයන් දක්ෂතා දැක්වීමට හේතුව ඔවුන් ගෙදර සිටිනවාට වඩා වැඩි වේලාවක් පිටියේ රැදී සිටීම බව ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන සඳහන් කරයි.
ශ්‍රී ලංකා නෙට්බෝල් සම්මේලනයේ නිලවරණය නීති විරෝධි බවට ක්‍රීඩා අමාත්‍යාංශයට පැමිණිලි ලැබී ඇතැයි වාර්තා වේ. මෙවර නියෝජ්‍ය සභාපති තනතුරට පත් යෙස්මින් ධර්මරත්න මහත්මිය මෙයට පෙර හයවතාවක් ලේකම් තනතුරට හා එක්වතාවක් භාණ්ඩාගාරික තනතුරට පත්ව ඇති හෙයින් වසර හතරේ නීතිය අනුව මෙවර පත්වීම නීති විරෝධී බවට ක්‍රීඩා අමාත්‍යාංශයට යොමු කළ පැමිණිල්ලේ දැක්වේ.
ශ්‍රී ලංකාවේ හිටපු එක්දින හා විස්සයි විස්ස සුපිරි පිතිකරු කුමාර් සංගක්කාර ඔස්ට්‍රේලියාවේ බිග්බෑෂ් ලීග විස්සයි විස්ස තරගාවලිය සඳහා ගිවිසුම් ගතව තිබූ ඔහු තරග කාර්තු දෙකක් සඳහා සිය දායකත්වය හොබාට් හරිකේන්ස් කණ්ඩායමට ලබාදීමට ගිවිසුම් අත්සන් කොට තිබේ.
බොක්සිං ඉතිහාසයේ පොහොසත්ම තරගය
මේවෙදර්-පැකියාඕ
‘සියවසේ සටන’ අදයි
වර්නන් ගුණසේකර
අමෙරිකාවේ අපරාජිත ෆ්ලොයිඩ් මේවෙදර් හා පිලිපීනයේ ජාතික වීරයෙකු වන මැනී පැකියාඕ අතර ඩොලර් මිලියන හාරසියයේ ‘සියවසේ සටන’ අද (2) ලාස් වේගාස් නුවර එම්.ජී.එම්. හෝටලය ඇතුළත පිහිටි ග්‍රෑන්ඩ් ගාඩ්න් බොක්සිං වළල්ලේදී පැවැත්වෙයි.
ක්‍රීඩා අමාත්‍යාංශ ශ්‍රවණාගාරයේදී දැන් පැවැත්වෙන ජාතික දැල්පන්දු සංගම් නිලවරණයේදී යසා රාමචන්ද්‍ර මහත්මිය එහි සභාපතිවරයා ලෙස තේරී පත්ව ඇති බව වාර්තා වේ. ඇය දැල්පන්දු ක්‍ෂෙත්‍රයේ අත්දැකීම් බහුල ක්‍රියාකාරිනියකි.
ඇතැම්විට ක්‍රීඩකයන්ට වඩා විනිසුරුවරුන්ට ක්‍රිකට් තරගවලදී ගෙවීම් සිදුකරන බවත් ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන සඳහන් කරයි. ඊයේ (28දා) ක්‍රිකට් ආයතනයේ පැවැති මාධ්‍ය හමුවකදී ඔහු මෙම අදහස් දැක්වීය.
කුරුණැගල මලියදේව විද්‍යාලයේ සිවු වැනි ශ්‍රේණියේ ඉගෙනුම ලබන නව හැවිරිදි කේ.ටී.යසිරු සන්දීප අනුහස් ශ්‍රී ලංකාව නියෝජනය කරමින් මැලේසියාවේ ක්වාලම්පූර් නුවර දී මැයි මස 14 සිට 19 දක්වා පැවත්වීමට නියමිත, 16 වන මයිලෝ ජාත්‍යන්තර ආසියාතික කරාතේ තරගාවලිය නියෝජනය කිරීමට සුදුසුකම් ලබා ඇත.
