ඒ අනුව රවී කරුණානායක මහතාගේ මෙහෙයවීම යටතේ පවතින හංසයා ලකුණ දරන ප්‍රජාතන්ත්‍රවාදී එක්සත් ජාතික පෙරමුණ යටතේ මෙම පුළුල් පෙරමුණ ගොඩ නැගීම ගැනද සාච්ඡාවට ගෙන තිබේ. පසුගිය ජනාධිපතිවරණයේදි මෛත්‍රීපාල සිරිසේන පොදු අපෙක්ෂකයා ලෙස තරග කළේද මෙම පක්ෂයෙනි.
මෙම මන්ත්‍රී හමුවේදී මංගල සමරවීර මහතා, සජිත් ප්‍රෙමදාස හෝ කරූ ජයසූරිය අගමැති අපේක්ෂකයා ලෙස නම් කරන අතරම ජනාධිපතිධුර අපේක්ෂකයා ලෙස රනිල් වික්‍රමසිංහ නම් කර ඉදිරි ප්‍රචාරක කටයුතු සිදු කළයුතු බවත් එමඟින් ලොකු පිම්මකින් එජාපයට ජයග්‍රහණය කිරීමේ වාසිදායක තත්වයක් ඇති බවත් පෙන්වා දී ඇත. එම මතය වැඩි දෙනාගේ පිළිගැනිමට ලක්ව තිබේ.සජිත් ප්‍රේමදාස මහතාද ඒ මතය පිළිගෙන තිබේ. එජාපය සමඟ ප්‍රජාතන්ත්‍රවාදී වුවමනාව වෙනුවෙන් පෙනි සිටින ශ්‍රිලනිප සහ අනෙකුත් පක්ෂ හා සංවිධානවල කොටස් එක පෙරමුණකට ගෙන තරග කිරීමෙන් සිරිසේන මහින්ද ප්‍රජාතන්ත්‍ර විරෝධී කුමන්ත්‍රණය පරාජය කිරීම පහසු වනු බව මංගල සමරවීර මහතා පෙන්වා දී තිබේ
එමෙන්ම සිරිසේන ජනාධිපතිවරයා ගත් ව්‍යවස්ථාකූල නොවන ක්‍රියාමාර්ගයට එරෙහිව නීතිමය පැත්තෙන් ගත හැකි ඉහළම පියවර ගත යුතු බවත් සමරවීර මහතා අවධාරණය කර තිබේ. එසේ නොමැති වුවහොත් යළි පාර්ලිමේන්තුව රැස් කළද සිරිසේනට අවශ්‍ය කරන කෙනා අගමැතිවරයා ලෙස පත් නොකෙරුවොත් යළි පාර්ලිමේන්තුව විසුරුවා හැර විගඩමක් නැටිය හැකි බව පෙන්වා දී තිබේ.
