රවීව අයින් කරන්න, එජාප ඇමැතීන්ගෙන් ජනපතිට යෝජනාවක් Featured

Published in පුවත්
Saturday, 21 January 2017 09:25

යහපාලන ආණ්ඩුවට එරෙහිව නැගී ඇති දුෂණ චෝදනා සමනය කර ගැනීම වෙනුවෙන් බරපතල ලෙස මුල්‍ය සහ රාජ්‍ය දේපල අවභාවිතය සම්බන්ධව චෝදනා ලබා සිටින මුදල් ඇමැති රවී කරුණානායක මහතාව අදාළ අමාත්‍යධුරයෙන් වහාම ඉවත් කළ යුතු බවට එක්සත් ජාතික පක්ෂ මන්ත්‍රී කණ්ඩායමක් විසින් ජනාධිපතිවරයා වෙත යෝජනා කර ඇතැයි වාර්තා වෙයි.

දේශපාලන ආරංචි මාර්ග සඳහන් කරන ආකාරයට මෙම මන්ත්‍රී කණ්ඩායම අදාළ යෝජනාව සිදුකර ඇත්තේ පසුගිය අඟහරුවාදා (17) කැබිනට් මණ්ඩල රැස්වීමෙන් පසුව ජනාධිපතිවරයාගේ මුලිකත්වයෙන් පැවැත්වුණු විශේෂ හමුවකදීය.

වාර්තා වන ආකාරයට ජනාධිපතිවරයා විසින් මෙම විශේෂ හමුව කැඳවා ඇත්තේ විපක්ෂයේ පිරිස් ආණ්ඩුව වෙත එල්ල කරන අපවාද වලට සාර්ථකව පිළිතුරු දීම ඇතුළුව ආණ්ඩුවට ශක්තිමත් ප්‍රචාරණ යාන්ත්‍රණයක් පවත්වාගෙන යාම සම්බන්ධව සාකච්ඡා කිරීමටය.
මෙම අවස්ථාව සඳහා එක්සත් ජාතික පක්ෂය මෙන්ම ශ්‍රී ලංකා නිදහස් පක්ෂය නියෝජනය කරන මැති ඇමතිවරුන් 20 කට ආසන්න ප්‍රමාණයක් කැඳවා තිබු අතර එරාන් වික්‍රමරත්න, රාජිත සේනාරත්න, අශෝක අබේසිංහ, නලින් බණ්ඩාර, අජිත් මානප්පෙරුම, චතුර සේනාරත්න ඇතුලු එක්සත් ජාතික පක්ෂය නියෝජනය කරන මන්ත්‍රීවරුන් දහදෙනෙකු පමණ ඊට සහභාගීවූ බවද වාර්තා වෙයි.

වැඩිදුරටත් වාර්තා වන ආකාරයට මෙහිදී අදහස් දක්වමින් ජනාධිපතිවරයා පෙන්වා දී ඇත්තේ පවතින දුර්වල ප්‍රචාරණ කටයුතු හේතුවෙන් ආණ්ඩුවට එරෙහි අභූත චෝදනා මෙන්ම ඉතා කුඩා කාරනා පවා විශාල වැරදි ලෙස සමාජගත වන තත්ත්වයක් මතුව ඇති බවත් ඊට වහා පිළියම් යෙදීමට කැඳවන ලද මන්ත්‍රී කණ්ඩායමේ සක්‍රීය මැදිහත්වීම අපේක්ෂා කරන බවය.

ජනාධිපතිවරයා මතුකළ කාරණය සම්බන්ධව ප්‍රතිචාර දක්වමින් මන්ත්‍රී කණ්ඩායම පෙන්වා දී ඇත්තේ බැඳුම්කර සිදුවීම මෙන්ම ආණ්ඩුවේ ප්‍රබල අමාත්‍යවරුන් කිහිපදෙනෙකුට එල්ලවී ඇති චෝදනා සම්බන්ධව ආණ්ඩුවේ ප්‍රතිපත්තිය පැහැදිලි නොමැති කම හේතුවෙන් තමන්ද බලවත් දුෂ්කරතාවකට පත්ව ඇති බවත් ඒ සම්බන්ධව පැහැදිළි ස්ථාවරයක් ගැනීමට ආණ්ඩුව සමත් වෙතොත් විපක්ෂය එල්ල කරන චෝදනා වලින් ආණ්ඩුව රැකගැනීම තමන්ට දුෂ්කර කටයුත්තක් නොවන බවය.

වැඩිදුරටත් මේ සම්බන්ධව පවතී සාකච්ඡාවේදී එක්සත් ජාතික පක්ෂය නියෝජනය කළ මන්ත්‍රී කණ්ඩායම පෙන්වාදී ඇත්තේ මුදල් ඇමැති රවී කරුණානායක මහතාට එල්ලවී ඇති මුල්‍ය අක්‍රමිකතා චෝදනා ඉතා බරපතල බවත් ඉදිරි මැතිවරණ වලදී එම චෝදනා හේතුවෙන් එජාප- ශ්‍රීලනිප දෙපාර්ශවයටම ඒ හේතුවෙන් අර්බුද රැසකට මුහුණදීමට සිදුවිය හැකි බවය. ඒ හේතුවෙන් අදාළ අමාත්‍යවරයාව දැනට දරණ අමාත්‍යධුරයෙන් ඉවත් කර වෙනත් විෂයක් සඳහා පත්කරන්නට ජනාධිපතිවරයා මැදිහත් වනවා නම් ඊට තමන්ගේ සම්පුර්ණ සහය ලබාදෙන බවත් ඒ හරහා මේවන විට ආණ්ඩුවට එරෙහිව නගන චෝදනා මුළුමනින්ම කණපිට පෙරලිය හැකි බවද එම මන්ත්‍රීවරුන් ජනාධිපතිවරයාට යෝජනා කර ඇත. කෙසේ නමුත් මෙම සාකච්ඡාවේදී සියලු දෙනාම රවී කරුණානායක මහතා ගේ නම පාවිච්චි නොකර අරයා එයා මෙයා යනාදී වශයෙන් මේ සම්බන්ධයෙන් කතා කිරීම විශේෂ සිදුවීමකි.

ඊට ප්‍රතිචාර දක්වමින් ජනාධිපතිවරයා සඳහන් කර ඇත්තේ 19 වන ව්‍යවස්ථා සංශෝධනය අනුවත් එජාප ය සමඟ තමන් එළඹී ගිවිසුම අනුවත් අමාත්‍යවරරුන්ගේ විෂය සම්බන්ධව තීරණය ගැනීම අග්‍රාමාත්‍යවරයා සතු වන හෙයින් අග්‍රාමාත්‍යවරයා අදාල නිර්දේශය ලබාදෙනවා නම් තමන් ඊට සුදානම් බවය. එසේම අදාළ යෝජනාව අග්‍රාමාත්‍යවරයා වෙතද ඉදිරිපත් කරන ලෙසත් මුදල් ඇමැති රවී කරුණානායක මහතා සම්බන්ධයෙන් මුල්‍ය අක්‍රමිකතා සහ විෂය භාර අමාත්‍යවරයා ලෙස දේශපාලන බලය අවභාවිතයේ යෙදවීම ගැන පැමිණිලි ශ්‍රීලනිප මන්ත්‍රීවරුන් වෙතින්ද තමන්ට ලැබී ඇති බවය. ඒ අනුව ආණ්ඩුවේ මුදල් ඇමැතිවරයා සම්බන්ධව අග්‍රාමාත්‍යවරයා වෙත විශේෂ පැමිණිල්ලක් සිදුකිරීමට නියමිතව ඇත.


සත්හඬ පුවත්පත ඇසුරෙනි

 

Leave a comment

Gossip

රාජපක්ෂවරුන්ට ජෝක් කළැයි සුනිල්ට ආයෙත් ගහලා

රාජපක්ෂවරුන්ට ජෝක් කළැයි සුනිල්ට ආයෙත් ගහලා

ඊයේ රාත්‍රීයේ වත්තල, සෙන්ට් ඇන්තනීස් විද්‍යාලයීය ආදී ශිෂ්‍ය කණ්ඩායමක් විසින් සීදූවේ හෝටල...

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් නීතිඥ තුසිර මැලැව්වෙතන්ත්‍රී මහතා සිය තනතු...

මහින්දගේ මැයි දින ‍රැළියේ වියදම කෝටි 18 පනී !

මහින්දගේ මැයි දින ‍රැළියේ වියදම කෝටි 18 පනී !

පසුගිය මැයි පළමුවනදා ගාලු මුවදොර පිටියෙහි පැවැති ඒකාබද්ධ විපක්ෂ මැයි දින ‍රැළිය හා එම පෙලපාළියෙහ...

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්&zwj...

අනං මනං

Connet With Us

       Google+