විමල්ව අත්අඩංගුවට ගැනීමත් විකාරයක්

Published in පුවත්
Wednesday, 11 January 2017 15:18

රාජපක්ෂ රෙජීම සමයේ රාජ්‍ය දේපල අවභාවිතයේ යෙදවුවන් සම්බන්ධව නීතිමය කටයුතු සිදුකරන මුල්‍ය අපරාධ කොට්ඨාශය සැකකරුවන් නම් කිරීම හා චෝදනා ගොනුකරන ස්වභාවය හේතුවෙන් එම දුෂණ වලට සම්බන්ධ පාර්ශ්ව වලට දඬුවම් නොලබා නිදහස් වීමට අවස්ථාව හිමිවන බවත් ඒ තුළ මුල්‍ය අපරාධ කොට්ඨාශය පිහිටුවීමෙන් අපේක්ෂිත ප්‍රතිඵල නොලැබෙන බවත් නීති ක්ෂේත්‍රයේ පිරිස් චෝදනා කර සිටියි.

ආසන්නතම සිදුවීම ලෙසින් විමල් වීරවංශ මන්ත්‍රීවරයාව අත්අඩංගුවට ගැනීමේ අවස්ථාව පෙන්වා දෙන එම පිරිස් වැඩිදුරටත් සඳහන් කරන්නේ රාජ්‍ය වාහන අවභාවිතය සම්බන්ධව පොලිස් මුල්‍ය අපරාධ කොටාශය විසින් ගොනු කළ බී වාර්තාවේ සැකකරුවන් දෙදෙනෙක් පමණක් නම් කර තිබීම ඊට සාක්ෂියක් වන බවයි.

වාහන නිකුත් කිරීම මෙන්ම රාජ්‍ය දේපල අවභාවිතය කිරීමද වරදක් වන බව පෙන්වා දෙන ඔවුන් වැඩිදුරටත් සඳහන් කර සිටින්නේ ඒ හේතුව මත අදාළ චෝදනාවන්ට වගකිව යුතු වත්මන් පාර්ලිමේන්තු මන්ත්‍රී අශු මාරසිංහ මෙන්ම ඉත්තෑකන්දේ සද්ධාතිස්ස හිමි මෙන්ම මාධ්‍යවේදී ප්‍රසන්න සංජීව තෙන්නකෝන් ඇතුළු රාශියකට දඬුවම් නොලබා නිදහසේ සිටීමට අවස්ථාව හිමිවී ඇති බවය.

එහෙයින් වැරදිකරුවන් කිසිඳු වග විභාගයකට ලක් නොකර සිටීමට අවස්ථාව සලසන පොලිස් අපරාධ කොට්ඨාශය සුදු අලියෙකු බවට පත්ව ඇති බවත් ඒ අනුව වරදක් කිරීම සහ ඊට අදාළ දඬුවමක් නියම කිරීම හරහා අපේක්ෂා කරන සමාජ ශෝධක අරමුණු ඉටු නොවන බවත් ඔවුන් වැඩිදුරටත් පෙන්වා දෙයි. මීට පෙර බැසිල් රාජපක්ෂ , නාමල් රාජපක්ෂ, යෝෂිත රාජපක්ෂ, ගොඨාභය රාජපක්ෂ යන අයට එරෙහිව ගොනු කර තිබෙන මුල්‍ය අපරාධ චෝදනාද නීතිමය වශයෙන් දුර්වල බව පෙනී ගොස් තිබෙන අතර මේ හේතුව නිසා ඉදිරියේදි මේ සියලු දෙනා අදිකර්නය විසින් නිදොස් කොට නිදහස කිරීම විය හැකි බව නීති ක්ෂෙත්‍රයේ ප්‍රවීණයන් පෙන්වා දෙති.

එහෙයින් යහපාලනය ගැන මෙන්ම යුක්තිය පසිඳලීම යන කටයුත්තේදී මීට වඩා වකකීමකින් යුතුව කටයුතු කළ යුතු බවද ඔවුන් සඳහන් කරයි.


මේ අතර අත්අඩංගුවට ගත් පාර්ලිමේන්තු මන්ත්‍රී විමල් වීරවංශ නිවාස සහ ඉංජිනේරු අමාත්‍යවරයා වශයෙන් කටයුතු කරමින් සිටියදී වාහන ලබා ගැනීම සම්බන්ධව කිසිඳු ප්‍රසම්පාදන පටිපාටියක් අනුගමනය කර නැති බව හෙළිවී ඇත.

ඒ බව තහවුරු කර සිටින්නේ රාජ්‍ය වාහන අවභාවිතය සම්බන්ධව පොලිස් මුල්‍ය අපරාධ කොට්ඨාශය විසින් ගොනු කළ බී වාර්තාවේය. එම වාර්තාවට අනුව රාජ්‍ය වාහන අවභාවිතය සම්බන්ධව විමල් වීරවංශ සමඟ චෝදනා ලබාසිටින සමන්ත ප්‍රියනාත් ලොකුහැන්නදීගේ විසින් ලබාදී ඇති කටඋත්තරයේ ඒ බව සඳහන්ව ඇත.

1

Leave a comment

Gossip

රාජපක්ෂවරුන්ට ජෝක් කළැයි සුනිල්ට ආයෙත් ගහලා

රාජපක්ෂවරුන්ට ජෝක් කළැයි සුනිල්ට ආයෙත් ගහලා

ඊයේ රාත්‍රීයේ වත්තල, සෙන්ට් ඇන්තනීස් විද්‍යාලයීය ආදී ශිෂ්‍ය කණ්ඩායමක් විසින් සීදූවේ හෝටල...

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් නීතිඥ තුසිර මැලැව්වෙතන්ත්‍රී මහතා සිය තනතු...

මහින්දගේ මැයි දින ‍රැළියේ වියදම කෝටි 18 පනී !

මහින්දගේ මැයි දින ‍රැළියේ වියදම කෝටි 18 පනී !

පසුගිය මැයි පළමුවනදා ගාලු මුවදොර පිටියෙහි පැවැති ඒකාබද්ධ විපක්ෂ මැයි දින ‍රැළිය හා එම පෙලපාළියෙහ...

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්&zwj...

අනං මනං

Connet With Us

       Google+