ජාවාරම්කාරයන් වූවත් මේ කහකඩධාරීන් අත් අඩංගුවට ගැනීම, සිංහල බෞද්ධයන් තුල විශාල කැළඹීමක් හටගැනීමට හැකි බව කියමින් මොවුන් අත්අඩංගුවට ගැනීම වැලැක්වීමට යහාපාලනේ ජාතිකවාදී ප්‍රබල ඇමැතිවරයකු බලපෑම් කරමින් සිටින බවත් වාර්තාවන නමුත් පොලිස් ආරංචි මාර්ග පවසන්නේ මේවන විට අලි පැටවුන් 16 දෙනෙකු සම්බන්ධයෙන් පරීක්ෂණ කටයුතු නිම කර ඇති බැවින් ඊට සම්බන්ධ සියළු දෙනාවම අත් අඩංගුවට ගෙන නඩු පැවැරිය යුතු බවය.
එමෙන්ම මෙම කහකඩයන් අත් අඩංගුවට ගැනීම ප්‍රමාද කිරීමේ උත්සාහයක් ගැනීමට ආණ්ඩුවේ ප්‍රබලයා උත්සහ ගන්නේ නුදුරේ සිදුවීමට නියමිත අධිකරණ විනිසුරු මාරුවෙන් පසුව මෙම අලි ජාවාරම සම්බන්ධයෙන් මේවන විට කටයුතු කරන විනිසුරුවරයා වෙනුවට එතැනට පත්වීමට නියමිතව සිටින ක‍තෝලික විනිසුරුවරිය පැමිණෙන තුරුය. එවිට කහකඩධාරීන් අත්අඩංගුවට ගැනීම ආගමික ගැ‍ටුමක් දක්වා දුර දිග ගෙනයාමට හැකි බව මේ කුමත්‍රණකාරී ඇමැතිවරයා හා එම කණ්ඩායමේ මත වී ඇත.
