රාජපක්ෂලාට ලිබියාවෙන් මිලියන 500 ක් නෙවෙයි 1089 ක්ම එවලා

Published in පුවත්
Monday, 05 October 2015 15:01

තමා දුන් එක දුරකථන ඇමතුමකින් ඇ.ඩොලර් මිලියන 500 ක ණයක් ලංකාවට ලබා දීමට ලිබියානු හිටපු නායක මුවමර් ගඩාෆි එකග වූ බවත් එය නොවන්නට යුද්ධය ජය ගැනීමට පෙර ආර්ථිකය ඇණ හිටීමට ඉඩ තිබුණ බව හිටපු ජනපති මහින්ද රාජපක්ෂ මහතා පසුගියදා මාධ්‍ය නිවේදනයක් කරමින් පවසා සිටියේය. ඒ ජනාධිපති මෛත්‍රීපාල සිරිසේන මහින්ද රාජපක්ෂ මහතා ලිබියවේ හිටපු නායක ගඩා‍ෆිගේ කරට අතදාගෙන සිටි බව කළ ප්‍රකාශයකට පිලිතුරු වශයෙනි.

ඒ කෙසේ වෙතත් ලිබියාවෙන් රාජපක්ෂ පවුලේ සාමාජිකයන්ට හා හිතවතුන්ට ලැබී තිබෙන මුදල් ගැන මේ වන විට ඉහළ මට්ටමේ පරික්ෂණයක්ද ක්‍රියාත්මක වෙමින් තිබේ.

ඒ අනුව දැනට හෙළිවී ඇති පරිදි 2011 වසර තුලදී රාජපක්ෂ පවුලේ සාමාජිකයන්ගේ ගිණුම්වලට ලිබියාව හරහා ලැබී ඇති මුදල් ප්‍රමාණය අමරිකානු ඩොලර් මිලියන 1089 කි.( 1,089,700,000කි.) එම වසරේ මාර්තු අප්‍රේල් මාස වලදී මෙම මුදල් ලැබි ඇති ඇති අතර එම මුදල් බැර කර ඇත්තේ ඩුබායි රජයට අයත් ඩුබායි ජාතික බැංකුවටය.( National Bank Of Dubai) එම ගිණුම් හිමියන් මෙසේය. සජින් වාස් ගුණවර්ධන අමරිකානු ඩොලර් 518 යි. ලක්ෂ්මන් නාමල් රාජපක්ෂ ඇමරිකානු ඩොලර් 537 යි. මෙම ගිණුම් දෙකෙහි ඇටර්නි බලපත් හිමියා ලෙස කණිෂ්ක යෝෂිත රාජපක්ෂව නම් කර තිබේ.මීට අමතරව තවත් ගිණුම් කිහිපයක් ඇති බවත් අනාවරණය වේ. ඒ සියල්ලේ එකතුව මිලියන 1089 කි.

මෙම ගිණුම් දෙක සම්බන්ධයෙන් කටයුතු කර ඇත්තේ හිටපු බැංකු කරුවකු වූ අබ්දෙල් මජිඩ් ෆායෙක් නැමැත්තාය.

ඩුබායි බැංකුවට ලැබුණු මුදල් පසුව ඒවා බහාමාස් හී ගිණුම් 3 කටත් ෂීශෙල්ස් දූපත් හී ගිණුම් 2 කටත් මාරු කර තිබේ. එහිදී ඒ සම්බන්ධයෙන් මැදිහත් වී ඇත්තේ. මැතිව් ජෙම්සන් වුඩ් හවුස් හා අන්ඩ්‍රෙ මිෂෙල් වෙස්ට්වුඩ් නැමැති විදෙශිකයන් දෙදෙනෙකි.

එමෙන්ම ඩුබායි ජාතික බැංකුවෙහි ගාමිනී සෙනරත්ගේ නමින් ඇති ගිණුමක ඇමරිකානු ඩොලර් මිලියන 168ක් හා කූඩාබාලගේ නමින් තවත් ඇමරිකානු ඩොලර් මිලියන 8.7 ක ගිණුමක් ගැනද තොරතුරු හෙළිව තිබේ.

මේ සම්බන්ධයෙන් තව දුරටත් පරීක්ෂණ කටයුතු සිදුවෙමින් පවතින අතර ලිබියානු රාජ්‍ය හරහා මෙලෙස මුදල් ලැබීමේ හේතුව සම්බන්ධයෙන්ද පරීක්ෂණ කටයුතු සිදු කෙරේ. මේ මුදල් කවර හේතුවක් මත ලැබුණේද යන්න තවමත් අභිරහසකි. වෙනත් ගනුදෙනුවක කොමිස් මුදල් හෝ ජාවාරමක ලාබාංශ මුදල් ලිබියාව හරහා ඩුබායිගේ ගිණුම්වල තැන්පත් කර ගැනිමක් වී ඇති බවද පරීක්ෂකයෝ සැක කරති.

ඒ අනුව තමන්ගේ එක දුරකතන පණිවිඩයට ඩොලර් මිලියන 500 ක් එවකට සිටි ලිබියානු ජනාධිපතිවරයා එවනු ලැබූ බව මහින්ද රාජපක්ෂ මහතා කියන කතාවේ යම් සත්‍යයක් ඇති බව උපකල්පනය කළ හැකිය. ගඩා‍ෆිගේ ගනුදෙනු ගැනත් කිසිවකු හෝ හොයන්නේ නම් මහින්ද රාජපක්ෂ, ගඩා‍ෆිට කළ උදවු උපකාර ගැනත් සොයා ගත හැකිවනු ඇත. සමහර විට මෙහේ බැංකුවල ගඩා‍ෆිගේ ගිණුම් තිබෙන්නට ද බැරි නැත.

 

Last modified on Monday, 05 October 2015 15:13

Leave a comment

worky

worky1

ld add copy

Gossip

දයාසිරියි වලේබොඩයි ජාතික ආරක්ෂක මණ්ඩලයට ගිහින් කියපු දේ

දයාසිරියි වලේබොඩයි ජාතික ආරක්ෂක මණ්ඩලයට ගිහින් කියපු දේ

පසුගිය අඟහරුවාදා පෙරවරුවේ ජනපති රනිල් ජාතික ආරක්ෂක මණ්ඩල හමුවට ගොස් ඇත්තේ දැනට විපක්ෂයේ අසුන්ගෙන සිට...

අනුරගේ බදු ක්‍රමය ගැන ෂෙහාන්ගෙන් පැහැදිලි කිිරීමක්

අනුරගේ බදු ක්‍රමය ගැන ෂෙහාන්ගෙන් පැහැදිලි කිිරීමක්

දැනටමත් වැට් බද්ද පදනම් වී ඇත්තේ, පිරිවැටුම මත බව ශෙහාන් සේමසිංහ පවසයි.

පීඩනය දරා ගන්න බැරි තැන මම ජීවිතය නැති කරගන්නත් හැදුවා

පීඩනය දරා ගන්න බැරි තැන මම ජීවිතය නැති කරගන්නත් හැදුවා

අපේ රටේ ප්‍රසිද්ධ නිළියක් විදිහට කවුරුත් දන්න කෙනෙක් තමයි යශෝධා විමලධර්ම කියන්නේ. ඇය නිතැනින්ම නිවුණ...

ජගත් මණුවර්ණට වෙඩි පහරක්

ජගත් මණුවර්ණට වෙඩි පහරක්

රංගන ශිල්පී ජගත් මණුවර්ණ ට වෙඩි පහරක් එල්ල වී අනතුරකට ලක්ව ඇති බව තොරතුරු වාර්තා වනවා.

ක්‍රීඩා

වනිඳු පෙරමුණට

වනිඳු පෙරමුණට

ශ්‍රී ලංකා ක්‍රිකට් නායක වනිඳු හසරංග අන්තර්ජාතික පන්දුවාර 20යි 20 ක්‍රිකට් තුන් ඉරියව් ක්‍රීඩකයින්ගේ...

Connet With Us