දහස් ගණනක් කුඩා දරුවෝ යුද්ධය,දුප්පත්කම සහ රැකවරණයක් නොමැති කමෙන් මිය යනවා වගේම පීඩා විඳිනවා.  නමුත් ලෝකයේ සෑම රටක්ම පාහේ ළමයින් වෙනුවෙන් විවිධ විදිහේ නීති රීති නම් හඳුන්වා තිබෙනවා.

මේ ඉන්නෙ අහමඩ් හමොඩ්. එයා සිරියානු යුධ අනාථයෙක්ලු. එයා සිරියාවේ වසර හතරක් පුරා පවතින යුද්ධය හේතුවෙන්  සරණාගතයෙක් ලෙස ලෙස තුර්කියට පැමිණ තිබෙනවා.

මේ කුඩා දරුවගෙ ජීවිකාව  මහ මඟ  යන එන උදවියට ටිෂූ අලෙවි කිරීම. නමුත් මේ හේතුව නිසා ඔහුට සිද්ධ වෙනවා  ඔහු ටිෂූ අලෙවි කරන මාර්ගය අසල තිබෙන අවන්හලේ අයිත්කරුගෙන් පහර කන්න.

මේ පහර දීමට හේතුව ලෙස අවන්හලේ අයිතිකරු සඳහන් කරන්නේ අවන්හලට පැමිණෙන පාරිබෝගිකයන්ට අහමඩ් ගෙන් බාධා සිදුවීමයි.

පහර කෑමෙන් තුවාල ලබා ලේ ගලන නහයකින් යුතුව සිටින අහමඩ්ගේ  සංවේදී ඡායාරූප පෙළ පිළිබඳ මුළු ලෝකයේම අවධානය යොමුව තිබෙනවා.

මීට මාස හයකට පමණ පෙරත් ඉස්තාන්බුල් නගරයේ ප්‍රසිද්ධ අවන්හලක් ඉදිරිපිටදී සිරියානු දරුවෙක් මේ ආකාරයටම පහර කෑමට ලක්ව තිබෙනවා.

එක්සත් ජාතීන්ගේ සරණාගත වාර්තාවන්ට අනුව තුර්කිය තුල සිරියානු සරණාගතයන් මිලියන 1.7ක් පමණ වාසය කරනවා . සිරියානු සරණාගතයන් විශාල ප්‍රමාණයක් දකුණු තුර්කියේ තාවකාලික කුඩාරම් වල රඳවා  ඇතත් බොහෝ පිරිසක් මහා පාරේ දිවි ගෙවන බව සඳහන් වේ.