ලංකාවේ එකම රාජ්‍ය පුවත්පත් නියෝජිත ආයතනය වන ලංකාපුවත් ආයතනයට ලැබී ඇති වාර්ෂික විදෙස් සමුළුවක ආරාධනයට ආයතන ප්‍රධානියා වන නන්ද මුරුත්තෙට්ටුව, ගුවන් විදුලි සංස්ථාවේ මුදලින් ලංකාපුවත් ආයතනයේ විධායක නිලධාරිනියක ද කැටුව සතියක නිවාඩුවකට රුසියාවේ ගොස් ඇති බව ලංකා පුවත් ආයතනයේ සේවකයන් පවසයි. ඇයට මේ සඳහා ආරාධනාවක් ලැබී නැත.

ලංකාවේ පන්සල් වලට යන්නේ ඉස්සර නිවන් මාර්ගය අවබෝධ කරගන්න නැත්නම් සුද්ධ සිංහලෙන් කිව්වොත් හිතට නිවනක් ගන්න. ලංකාවේ සමහර සුපිරි පන්සල්වලට යන්න ඉස්සර ඉදන්ම විදේශිකයන්ගෙන් නම් රුපියල් දෙතුන් දාහක් ගත්තා. ඒත් ලංකාවේ මිනිස්සුන්ටනම් අගේට ඕන පන්සලකට ගිහින් මලක් පහනක් පූජා කරලා එන්න පුළුවන්කම තිබ්බා.

ඒකටත් එක්ක දැන් කොළඹ විතරක් නෙවෙයි ලංකාවේ හතරවටේම පන්සල්වල වැසිකිලියට ගියත් ගාණක් දෙන්න වෙන තත්ත්වයකට පත්වෙලා ඉවරයි. ඒ අස්සේ කොළඹ අලි කලබලයක් නිසා චාටර් වෙච්ච පන්සලක උන්නාන්සේ කෙනෙක් අපායෙනුත් ගරාගෙන කන කතාව දැන් රටටම එළිවෙලා ඉවරයි.

පන්සලේ හදලා තියන අපාය බලන්න යන්නත් රුපියල් විස්සක ටිකට් එකක් කඩද්දි පන්සල තට්ටු ගාණකට හදන්න සල්ලි එකතුවෙනවා කියලා ඉතින් අහන්න දෙයක්ද. පෝය දවසට මේ ආරාමේ බලන්න වැල නොකැඩි සෙනග එන නිසා අපායේ යන්නත් බරගාණක් සෙනග එනවා.

අපායෙනුත් ගරාගෙන කන උන්නාන්සේලාට අලි නෙවෙයි කොටි වුනත් ගන්න තරමට සල්ලි තියෙනවා කියන එක අහන්න දෙයක්ද. හැබැයි ඉතින් මේ උන්නාන්සේනම් ඉන්නේ හරියට රහත්වෙලා වගේ තමයිලු.

පොදු විපක්ෂය කියලා ආතක් පාතක් නැතිව නන්නත්තාරවෙලා ඉන්න දේශපාලන අනාථයෝ පිරිස අටවාගන්න  යන අලුත් පක්ෂයේ තනතුරු බෙදාගන්න බැරිව දැනටම කචල් කියලා වටින් ගොඩින් ආරංචි මාර්ග ලාබෙනවා. මේ කචල් වලට ප්‍ර‍ධාන හේතුව වෙලා තියෙන්නේ අලුත් පක්ෂයේ ජාතික සංවිධායක තනතුරට නන්නත්තාර වෙලා ඉන්න රජ පවුලේ කෙනෙක් සහ දකුණේ කොට දේශපාලඥයෙක් බරපතලව රණ්ඩු පටන් අරගෙනලු.

දකුණේ ඉඳගෙන ජාතික සංවිධායකකමට ඉව අල්ලන දේශපාලඥයා කියනවලු පක්ෂේ පරාද වෙන්න ප්‍ර‍ධාන හේතුවක් වුන හිටපු රාජකීය පවුලේ සාමාජිකයාට මේ තනතුර දෙනවනම් තමන් පක්ෂේ පළාතේවත් ඉන්නේ නෑ කියලා. කොහොමවුනත් මේ කතාව අනුමත කරලා ඒ මතයේම ඉන්න පිරිසක් අනාථ කණ්ඩායම ඇතුලේ හැදිලා ඉවරයිලු.

ඒ වගේම හිටපු රාජකීය පවුලේ සාමාජිකයාට තනතුර දෙන්න ඕන කියලා හොරොන් හොරෙන් වැඩ කරන පිරිසකුත් කණ්ඩායම ඇතුලේ හැදිලා ඉවරයි. ඒක නිසාම අලුත් පක්ෂය අටවගන්න වැඩේ දැන් ජල්බරියක් වේගෙන එන පාටක් තමයි තියෙන්නේ. කොහොම වුනත් ඒ හැමදේම අස්සේ පක්ෂේ කඩලා දානවා කියලා නිදහස් පක්ෂෙන් මහින්ද රාජපක්ෂ මහත්මයාට චෝදනා එල්ල කරන නිසා එතුමත් දැන් වැඩේට දරුණු විදිහට පස්ස ගහන්න පටන් අර‍ගෙන.

ඒක නිසා දැන් අනාථ පිලේ අලුත් පක්ෂේ වැඩේ අවුල් ජාලාවක් වෙලා, කචල් ගොඩක්වෙලා අන්තිමට ඇරඹුමම කඳුලක් වෙලා කියලා තමයි ආරංචි

තවමත් අවිවාහකව සිටින ඇහැට කනට පෙනෙන සුදු හැන්ඩි පහට ඉන්නා නියෝජ්‍ය ඇමැතිවරයකු මේ දිනවල තමාට ගැලපෙන මනමාලියක් සොයා ගැනීමේ මහ මෙහෙයුමක යෙදී සිටී.

මාදුළුවාවේ සෝභිත හිමිගේ ආදානොත්සවය වෙනුවෙන් සහභාගී වූ ජනාධිපතිවරයා, අගමැතිවරයා, කතානාකවරයාට සමගාමීව ඔහුගේ නමින් ආසනයක් වෙන් කර නොතිබීම නිසා ෆීල්ඩ් මාර්ෂල් සරත් ෆොන්සේකා මහතා බාල ගෝලයන් එම උත්සව සභාව තුලදී එම සංවිධායකයන් සමඟ යුද්ධයක පැටැලී තිබෙන බව වාර්තාවේ.

නීතිය හා සාමය පිළිබඳ ඇමැතිවරයා ලෙස අද දින(11) ජනාධිපතිවරයා ඉදිරියේ දී දිවුරුම් දුන් මාතර දිස්ත්‍රික් මන්ත්‍රී සාගල රත්නායක මහතාට අගමැතිවරයා විසින් අගනා අවවාදයක් ලබා දී තිබේ.

ඇවන්ගාඩ් පාවෙන අවි ගබඩා ව්‍යාපාරය තමන් නතුකර ගැනිමට මේ දිනවල දැඩි වෙහෙසක් ගනිමින් සිටින මහරාජා, එම ව්‍යාපාරය ආරම්බකිරීම වෙනුවෙන් පසුගියදා අත්පත් කර ගන්නා ලද කොළඹ පිත්තල හන්දියේ ඇති ප්‍රකට ගොඩනැගිල්ලේ පිහිටි කාර්යාලයට මේ දිනවල එජාපයට සම්බන්ධ හා කලින් සම්බන්ධව සිටි රනිල් විරෝධීන්ගෙන් පිරී පවතින බව පෙනෙන්නට තිබේ.

ආරක්ෂක රාජ්‍ය ඇමැති රුවන් විජේවර්ධන මහතාට මේ දිනවල පවතින ග්‍රහ අපල උපද්‍රව නිසා විශේෂ පූජාවක් වෙනුවෙන් ඉන්දියාවේ තිරුපති කොවිලට ගොස් තිබේ.

Connet With Us

       Google+