පසුගිය මාසයේ සේවක වැ‍ටුප් ගෙවීම ද ජනමාධය අමාත්‍යාංශය විසින් මඟ හරිමින් සිටින බවත් ඔවුන් පෙන්වා දෙයි. ඔවුන්ගේ වැ‍ටුප් ගෙවීම සඳහා අමාත්‍යංශ ලේකම්වරයාගේ අනුමැතිය අවශ්‍ය නමුත් මේ දක්වා ඒ ලබා දී නොමැත.
එමෙන්ම මෙම ආයතනය සඳහා තවමත් සභාපතිවරයකු නම් කිරීමද සිදු කර නොමැත.පසුගිය ආණ්ඩුව සමයේ මහින්ද රාජපක්ෂගේ කතා පිටපත් රචකයා වූ මහින්ද ඉලෙපෙරුම මෙහි සභාපති තනතුර හෙඹවිය.
ඉලේපෙරුම යුගයේදී මෙම ආයතනය තුල කාන්තාවන් සදහා විශේෂ ස්ථානයක් ලබා දී තිබේ. නමුත් විශේෂත්වය වූයේ එම කාතාවන්ගේ සේවා කාලය කෙටි වීමය. මන්ද එම කාන්තාවන් කෙටි කලකින් ඉවත් කර පසුව අලුත් කාන්තාවන් යටතේ මාධ්‍ය ආයතනය පවත්වාගෙන යනු ලැබීමය. ඒ අනුව පත්වූ කාන්තාවන් මේවන විට ආයතනය කලමනාකරණය කරමින් සිටී. ඔවුන් පවසන්නේ තව මාස තුනකින් යළි මහින්ද යුගයක් පැමිණෙන බවය.
ඒ කෙසේ නමුත් ආයතනයේ සේවයින් බොහොමයක් සඳහා මේ වන තෙක්ම රාජකාරි පත්වීම් ලිපියක් නිකුත් කර ද නොමැති බවවාර්තාවේ.
අදාළ ආයතනට මෙතෙක් සභාපති තනතුරට හා මාධ්‍ය කරණයේ දැනුවත් අයෙකු එම ආයතනය තුළ නොසිටිම හේතුවෙන් සේවකයින් මේ වන විට දැඩි අපහසුතාවයට පත්ව තිබේ.
ලංකාපුවත් ජාතික ප්‍රවෘත්ති නියෝජිත ආයතනය එඩ්මන් වික්‍රමසිංහ මහතාණන් විසින් ගොඩ නඟනු ලැබූ ආයතනයකි.
