බොදුබල සේනා සංවිධානයේ මහලේකම් ගලබොඩඅත්තේ ඥානසාර හිමියන්ගේ වෛරී සහගත ප්රකාශ හා සංකේත අන්තර්ගත බැවින් ෆේස් බුක් ගිණුම අහෝසි කිරීමට තීරණය කළ බව ෆේස් බුක් බලධාරීන් විසින් නිකුත් කළ නිවේදනයක දැක්වේ.
යුද හමුදා පොලිසියේ ලාන්ස් කෝප්‍රල් වරයකු නිල ඇඳුමෙන් පැමිණ අඟුලානේ දී රුපියල් 500ක පැකට්ටුවක් මිලදී ගනිද්දී අත්අඩංගුවට ගත් බව අඟුලාන පොලිසිය කියයි.
සභාවේ කටයුවලට බාධා වන අයුරින් සෙසු මන්ත්‍රීවරුන් සමග සතුටු සාමීචියේ යෙදී සිටි එජාප මන්ත්‍රීනී රෝසි සේනානායක මහත්මියට කථානායක චමල් රාජපක්ෂ මහතා ඊයේ (23) පාර්ලිමේන්තුවේ දී අවවාද කළේය.
අමාත්‍ය විමල් විරවංශ මහතාගේ ජාතික නිදහස් පෙරමුණෙන් ඉවත්වී පසුගියදා නිදහස් පක්ෂයේ සාමාජිකත්වය ලබාගත් හිටපු ඌව පළාත් සභා මන්ත‍්‍රී ඩබ්ලිව්.ඒ. උදය කුමාර මහතාට නිදහස් සන්ධානය යටතේ තරඟ කිරීමට නාමයෝජනා ලබාදුනහොත්, තම පක්ෂයට දේශපාලන තීන්දුවක් ගැනීමට සිදුවන බව ජාතික නිදහස් පෙරමුණ ප්රකාශ කරයි.
මත්තල ගුවන් තොටුපොළේ ආදායම් සම්බන්ධයෙන් පාර්ලිමේන්තුවේදී ඊයේ වාද විවාද ඇති විය. ඒ, එක්සත් ජාතික පක්ෂ පාර්ලිමේන්තු මන්ත‍්‍රී ආචාර්ය හර්ෂ ද සිල්වා මහතා සහ සිවිල් ගුවන් සේවා අමාත්‍ය ප‍්‍රියංකර ජයරත්න මහතා අතරයි.
වසරේ මුල් මාස 4 තුළ ලංකා විදුලිබල මණ්ඩලය රුපියල් බිලියන 18 යි දශම 6 ක මෙහෙයුම් අලාභයක් වාර්තා කර ඇති බව මුදල් හා ක‍්‍රම සම්පාදන අමාත්‍යාංශය විසින් වසර මැද නිකුත් කළ රාජ්‍ය මුල්‍ය තත්ත්වය පිළිබඳ වාර්තාවෙන් හෙළිවේ.
පසුගිය වසරේ (2013) සිට මේ දක්‌වා ඩී.සී.ඩී. රසායනිකය අඩංගු බව තහවුරු වූ කිසිදු ආනයනික කිරිපිටි තොගයක්‌ මෙතෙක්‌ වෙළෙඳපොළින් ඉවත් කිරීමට හෝ විනාශ කිරීමට බලධාරීන් පියවර ගෙන නැති බව ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ මහතා ඊයේ (23 දා) පැවැසීය.
බ්‍රිතාන්‍ය ජාතික කුරම් ෂෙයික් ඝාතනය සම්බන්ධයෙන් දඬුවම් නියමවූ තංගල්ල ප්‍රාදේශීය සභාවේ හිටපු සභාපතිවරයාට අධිකරණයේ සිට බන්ධනාගාරයට රැගෙන යද්දී මාධ්‍ය කැමරාවලින් ඔහුගේ මුහුණ ආරක්‌ෂා කිරීමට උත්සාහ කළ බන්ධනාගාර නිලධාරියා වහාම ක්‍රියාත්මක වන පරිදි මීගමුව පල්ලන්සේන එළිමහන් සිරකඳවුරට මාරුකර යෑවූ බව බන්ධනාගාර කොමසාරිස්‌ ජනරාල් සී. පල්ලේගම මහතා පැවැසීය.
