මේ අතර, තවත් පවුල් ලක්ෂ 03ක් අස්වැසුමට ඇතුළත් කර ගැනීම සඳහා සුදුසුකම් ලබා තිබේ. ඒ , අස්වැසුම අභියාචනා සහ විරෝධතා 640,000 ක් සලකා බැලීමෙන් අනතුරුවයි.

මේ අනුව අස්වැසුම ප්‍රතිලාභ ලබන පවුල් සංඛ්‍යාව ලක්ෂ 17 ඉක්මවා ඇතැයි, වැඩබලන මුදල් අමාත්‍ය ශෙහාන් සේමසිංහ සඳහන් කළේ ය.

අභියාචනා සහ විරෝධතා හේතුවෙන් මෙතෙක් අස්වැසුම ලබමින් සිටි පවුල් 5,209ක් නුසුදුස්සන් බවට පත්වී ඇතැයි සඳහන් ය.

මීළඟ වාරික මුදල ලබා දීමට පෙර අලුතෙන් තේරී පත්වූ පවුල්වලට ජූලි සිට දෙසැම්බර් මාසය දක්වා වූ වාරික හැකි ඉක්මණින් බැංකු වෙත මුදා හැරීමට කටයුතු කරන බව ද අමාත්‍යවරයා සඳහන් කළේ ය.

වැඩබලන මුදල් අමාත්‍යවරයා පවසන්නේ ලක්ෂ 11කට ආසන්න අභියාචනා සහ විරෝධතා ලැබී තිබූ අතර, හැකි ඉක්මණින් ඒවා සලකා බැලීම අවසන් කරන බවයි.

-P.M