කාලය කෙටිවත්ම එක් ප්‍රාණ ඇපකරුවකු වූ 47 හැවිරිදි මාධ්‍යවේදී කෙන්ජි ගොටෝගේ මව රජය‍ට ඔහුගේ නිදහස වෙනුවෙන් මැදිහත් වන ලෙස ඉල්ලා ඇත. “කරුණාකරලා, දැන් කාලය ගෙවෙමින් තිබෙන්නේ.
මගේ පුතාව බේරාගන්න කියලා මම ජපාන රජයෙන් ඉල්ලා සිටිනවා,ජුන්කෝ ඉෂිඩෝ පැවසුවාය.මගේ පුතා ඉස්ලාමීය ජනපදයේ සතුරකු නොවෙයි.” ඇය කඳුළු පිරි දෙනෙතින් ටෝකියෝවේදී පැවසුවාය.
අනෙක් ප්‍රාණ ඇපකරුවා වූ 42 හැවිරිදි හරුනා යුකාවා බේරා ගැනීම සඳහා සිරියාව බලා ගිය බව තම ලේලියගෙන් දැනගත් විට තමා පුදුමයටත් කෝපයටත් පත් වූ බව ගොටෝගේ මව ප්‍රකාශ කළාය. “එයාගේ යාළුවා බේරගන්න පුළුවන් උපරිම දේ කරන්න ඕනෙ කියලා මගේ පුතාට හිතෙන්න ඇති.” ඇය පැවසුවාය.
“මේ ප්‍රශ්නය මගේ පුතාම හදාගත්ත එකක්.” ජපාන ක්‍රමයට අනුව නැවත නැවත සමාව අයැදිමින් ඇය ප්‍රකාශ කළාය.කප්පම් ගෙවීමට ලබා දී ඇති කාලය ඉකුත් වෙමින් පැවතියා වුවත් ඔවුන් ගලවා ගැනීමට දරණ ප්‍රයත්නය තවමත් ඇත්තේ අපැහැදිළි තැනකය. ජාතික නාලිතාව වන එන්.එච්.කේ. වාර්තා කළේ එයට අයි.එස් ත්‍රස්තවාදීන්ගෙන් පණිවුඩයක් ලැබුණ බවත් එම ප්‍රකාශනය ඉක්මනින්ම නිකුත් කළ හැකිවනු ඇති බවත්ය.
මැද පෙරදිග කලාපය තුළ රාජ්‍ය තාන්ත්‍රක සම්බන්ධතා ශක්තිමත් නොවන බැවින් ජපානයට මේ ප්‍රාණ ඇපකරුවන් දෙදෙනාව නිදහස් කරගැනීමට මාර්ගයක් විවර කර ගැනීම ගැටලුවක් වී තිබේ.ප්‍රාණ ඇපකරුවන් දෙදෙනා පවසා ඇත්තේ ඔවුන්ට අයි.එස් ත්‍රස්ත කණ්ඩායමේ නායකයා සමඟ සම්බන්ධතා තිබෙන බවයි. ඒ අනුව බ්‍රහස්පතින්දා ඔවුන් සමඟ සාකච්ඡා කිරීමට උත්සාහ දරණ බව පවසා තිබිණි.
(dinamina)
