මේ අනුව එක්සත් ජාතික පක්ෂයේ මූලිකත්වයෙන් යුතු ජාතික ආණ්ඩුව සුපුරුදු ලෙසම ඉදිරියටත් පවතිනු ඇත. එහෙත් පක්ෂයේ ප්‍රතිසංවිධානයක් කිහිපයක් සිදු වනු ඇති අතර. ඊට පක්ෂයේ පාර්ලිමෙන්තු කණ්ඩායමේ සහය මේවන විට ලැබී තිබේ. ඒකාබද්ධ විපක්ෂයේ මන්ත්‍රීවරු කිහිපදෙනෙකුගේද සහය ආණ්ඩුවට හිමිවනු ඇතැයි පැවසේ. මහින්ද රාජපක්ෂ කණ්ඩායමට මේ මොහොතේ අවශ්‍යව ඇත්තේ මෛත්‍රීපාල සිරිසේන ජනාධිපතිවරයාව මුලුමනින්ම දේශපාලනික වශයෙන් විනාශ කර දැමීම වන නිසා. මේ මොහොතේ මෛත්‍රීපාර්ශවයේ සියලු දේශපාලන සම්බන්ධතා අවුල් වියවුල් කරමින් සිටී.
මේ අතර එජාප ආණ්ඩුවට එක්වන ශ්‍රීලනීප මන්ත්‍රීන්ට ඇමැතිකම් ලබා ගැනීමට ඉඩ නොදෙන බවට ජනාධිපතිවරයා සිදු කර ඇති ප්‍රකාශය ඉතා සාහසික කුහක ප්‍රකාශයක් බව ශ්‍රීලනීප ජේෂ්ඨයකු අප හා පැවසීය.
ජනාධිපතිවරයා දැන් සිටින්නේ පරාජය දරා ගැනීමට නොහැකිවීමේ දැඩි මානසික ආතතියක බවත් මේ නිසා තමන්ගේ ග්‍රාම්‍ය කුප්පකම් එළියට පනිමින් තිබෙන බවත් ඔහු පෙන්වා දුන්නේය. ජනාධිපතිවරයා තව දුරටත් පිස්සු කෙලියොත් ඔහුට එරෙහි ශ්‍රීලනීපයේ මූලිකත්වයෙන්ම දෝෂාභියෝගයක් ඉදිරිපත් විය හැකි බවත් ඔහු අනතුරු හඟවයි
