ජනාධිපති ලේකම් ඉල්ලා අස්වේ ! ලලිත් වීරතුංග හෝ සුරේන් බටගොඩ එතැයි කසු කුසුවක්

Published in පුවත්
Friday, 30 June 2017 19:27

ජනාධිපති ලේකම් ලෙස කටයුතු කළ පී බී අබේකෝන් මහතා, තමාගේ දුර්වල සෞඛ්‍ය තත්වය හේතුවෙන් එම තනතුරෙන් ඉවත් වීමට තීරණය කර ඇති බව ජනාධිපති කාර්යාල ආරංචි මාර්ග සදහන් කරයි. මේ වන විටත් ඒ සම්බන්ධයෙන් ජනාධිපතිවරයාට දැනුම් දී ඇති බවත් දැන ගැනිමට ඇත.

කෙසේ නමුත් මෙම හිස්වන තනතුර සඳහා හිටපු ජනාධිපත ලේකම් ලලිත් වීරතුංග මහතා හෝ මේ වන විට විදුලිබල හා පුනර්ජනන්නීය අමත්‍යංශ ලේකම් ලෙස කටයුතු කරන සුරේන් බටගොඩ මහතා හෝ පත් කෙරෙනු ඇති බවට රාවයක් තිබෙන බවත් එම ආරංචි මාර්ග පවසයි.

ජනාධිපති ලේකම් යනු රාජ්‍ය පරිපාලන සේවයේ ජේෂ්ඨතම තනතුරය. එම තනතුර හෙබවීම පරිපලන සේවයේ විශිෂ්ට සේවා පළපුරුද්දක් මෙන්ම ජේෂ්ඨත්වයද වැදගත්ය.

ඒ කෙසේ නමුත් හිටපු ජනාධිපති ලේකම් වූ ලලිත් වීරතුංග මහතා මෙරට පරිපාලන සේවයේ සිටි දක්ෂ නිලධාරියකු වූවද හිටපු ජනාධිපති මහින්ද රාජපක්ෂ සමයේදී සිදු කෙරුණු අක්‍රමිකතා සම්බන්ධයෙන් චෝදනා කිහිපයකම එල්ල වී ඇති අයෙකි. රජයේ මුදල් වැය කර ජනාධිපතිවරණ ප්‍රචාරක කටයුත්තක් ලෙස සිල් රෙදි බෙදා හැරීම ඔහුට විරුද්ධ ඇති චෝදනාවක් වන අතර එය මේ වන විට අධිකරණය හමුවේ විභාග වෙමින් පවතී. එසේම පසුගිය ජනාධිපතිවරණ ප්‍රතිපළවලට බලපෑමක් කිරීම සඳහා විදුලි සංදේශ නියාමන කොමිසම මඟින් සිදු කෙරුණු මෙහෙයුමක් සම්බන්ධයෙන්ද ඔහුට චෝද්නා එල්ල වී තිබිණි. කෙසේ නමුත් ලලිත් වීරතුංග මහතාට එරෙහිව ඇති චෝදනා සම්බන්ධයෙන් ඔහුව අත් අඩංගුවට නොගැනීමට වත්මන් රජයේ ප්‍රබලයන් විසින් වලකා ලූ අතර එයට හේතුව වූයේ රාජ්‍ය පරිපාලන සේවයේ ජේෂ්ඨතමයා අත් අඩංගුවට ගැනිමෙන් සෙසු නිලධාරීන්ගේ විරෝධය එල්ලවනු ඇති බවට වූ බිය නිසා බවටද කරුණු අනාවරණය වී පැවැතිනි.

මේ අතර මෙම තනතුර සඳහා නම කියැවෙන සුරේන් බටගොඩ මහතාද රාජ්‍ය පරිපාලන සේවයේ ජෙෂ්ඨතම නිලධාරියකු වූද ඔහුට එරෙහිවද චෝදනා රැසක් එල්ල වී ඇත. විශේෂයෙන්ම ආන්දොලනයකට තුඩු දුන් ගල් අඟුරු ටෙන්ඩරයේ මහ මොලකරුවා ඔහු බවට බරපතල චෝදනාවක් එල්ල විය. මෙම ගල් අඟුරු ටෙන්ඩරය නිසා මෙරටට රුපියල් බිලියන 2 කට වඩා වැඩි පාඩුවක් සිදුව තිබේ. එසේම පෞද්ගලික ඩීසල් බලාගාර ටෙන්ඩරය මගින්ද බරපතල පාඩුවක් රටට සිදු කළ බවට චෝදනා එල්ල වී ඇත. එහෙත් මේ සම්බන්ධයෙන් කිසිදු විමර්ශන ක්‍රියාමාර්ගයක් වත්මන් රජය විසින් ගත්තේ නැත. මෙම ගනු දෙනු සම්බන්ධයෙන් මාධ්‍යයට අසත්‍ය තොරතුරු සපයනු ලැබූ බවටද ඔහු සම්බන්ධයෙන් විවෙච්න එල්ල විය.

 

Last modified on Friday, 30 June 2017 19:36

Leave a comment

Gossip

රාජපක්ෂවරුන්ට ජෝක් කළැයි සුනිල්ට ආයෙත් ගහලා

රාජපක්ෂවරුන්ට ජෝක් කළැයි සුනිල්ට ආයෙත් ගහලා

ඊයේ රාත්‍රීයේ වත්තල, සෙන්ට් ඇන්තනීස් විද්‍යාලයීය ආදී ශිෂ්‍ය කණ්ඩායමක් විසින් සීදූවේ හෝටල...

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් නීතිඥ තුසිර මැලැව්වෙතන්ත්‍රී මහතා සිය තනතු...

මහින්දගේ මැයි දින ‍රැළියේ වියදම කෝටි 18 පනී !

මහින්දගේ මැයි දින ‍රැළියේ වියදම කෝටි 18 පනී !

පසුගිය මැයි පළමුවනදා ගාලු මුවදොර පිටියෙහි පැවැති ඒකාබද්ධ විපක්ෂ මැයි දින ‍රැළිය හා එම පෙලපාළියෙහ...

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්&zwj...

අනං මනං

Connet With Us

       Google+