කෙසේ නමුත් මෙම අධිකාරිය තම ආදායමෙන් කෝටි 70 බැගින් අවස්ථා කිහිපයකදීම මහා භාණ්ඩාගාරයට මුදල් ලබාදී ඇත. ඒ අනුව අධිකාරිය සඳහාත් ගොඩනැගිල්ල ඉදිකර ගැනීමේ හැකියාව තිබියදීත් මෙම මුදල කුලී මුදල වශයෙන් ගෙවීම සම්බන්ධයෙන් එල්ල වු විවේච්න සලකා බලා ප්‍රවාහන හා ගුවන්සේවා ඇමති නිමල් සිරිපාලද සිල්වා මහතා කටුනායක නයිකන්ද ප්‍රදේශයේ 6 මහල් ස්ථිර ගොඩනැගිල්ලක් කඩිනමින් පිහිටුවීමට පියවර ගැනිමට කටයුතු කළේය.
එහෙත් මෙම ගොඩනැගිල්ල ඉදිකිරීම සඳහා 2015 දෙසැම්බර් 14 දින මුල්ගල් තබා ඇතත් මෙතෙක් නිමකොට නැත. මෙහි ඇස්තමේන්තුව රුපියල් 803,369,987 කි. (කෝටි 80.3) ඉබි ගමනින් වන මෙම ඉදිකිරීම් කටයුතු රාජ්‍ය ඉංජිනේරු සංස්ථාව විසින් සිදු කරනු ලබයි. මෙම ඉදිකිරීම් කටයුතු නිමකර බාරදීමට නියමිතව තිබුණේ 2017 මැයි 14 වන දිනය.
සිවිල් ගුවන්සේවා අධිකාරීයේ සේවය කරන්නේ සේවකයින් 147 දෙනකු පමණක් බවද වාර්තා වේ. ඒ අනුව ආන්දොලනයට තුඩුව තිබෙන කෘෂිකර්ම අමාත්‍යංශ්‍යට කුලියට ගත් රාජගිරියේ මහල 10 ගොඩනැගිල්ල හා සැසදිමේදී මෙම 3 මහල් අධිකාරි ගොඩනැගිල්ල වෙනුවෙන් දරන වියදම ද එකම වර්ගයේ නාස්තිදායක වියදම්ය.
කෘෂි කර්ම ඇමැති දුමින්ද දිසානායක තමන්ගේ නව අමාත්‍යංශ ගොඩනැගිල්ල වෙනුවෙන් මේවන විට වර්ෂයකට ආසන්න කාලයක් මුලුල්ලෙ මාසිකව රුපියල් ලක්ෂ 245 ගනනේ ගෙවමින් තිබේ. නමුත් මෙතෙක් එම ගොඩනැගිල්ලට අමාත්‍යංශ කාර්යාල කිසිවක් ගෙන ගොස් නැත.
මෙම ගොඩනැඟිල්ල කුලියට ගැනීම අගමැතිවරයාගේ වුවමනාවක් අනුව යැයි කියමින් වරදෙන් ගැලවීමට දුමින්ද දිසානායක මහතා සහ ඔහුගේ හෙංචයියන් දැඩි උත්සාහයක් ගනු ලැබුවද මෙය කුලියට ගැනීම දිසානායක ඇමැතිවරයා මෙන්ම කැබිනට් මණ්ඩලය අනුමත කළ කටයුත්තකි. දිසානායක ඇමැතිවරයා මේ සඳහා විරෝධයක් දක්වා නැත. මේ වන විට එම ගොඩනැගිල්ලෙ නවීකරණ කටයුතු මෙන්ම නව ගෘහභාණ්ඩ මිලදි ගැනිමේ කටයුත්තේ දිසානායක ඇමැතිවරයා යේදී සිටින්නේ ද ඊට තමන්ගේ ඇති කැමැත්ත නිසාය. කෘෂිකර්ම අමාත්‍යංශය වෙනුවෙන් කොළඹ සෙත්සිරිපායේ ගොඩනැගිල්ල වෙන් කළ විට ඒ ප්‍රතික්ෂේප කිරීම නිසා මෙම නව ගොඩනැගිල්ල යෝජනා කළේ අගමැතිවරයාය.
ඉදිකෙරෙමින් පවතින සිවිල් ගුවන්සේවා අධිකාරීයේ 6 මහල් ගොඩනැගිල්ල
