ඔක්තෝබර් විප්ලව සැමරුම කිරීම සඳහා තමන්ටද හිමිකමක් ඇති බව අගමැතිවරයා මෙම සාකච්ඡාවේදි සෙසු වාමේ නායකයන් හා පවසා ඇත. තම පියා වන එස්මන්ඩ් වික්‍රමසිංහ මහතා ලංකා සමසමාජ පක්ෂයේ ප්‍රබල නායකයකුව සිටිය බවත් තමන්ටද කුඩා අවධියේදි වාමාංශික දේශපාලනය ගැන උනන්දුවක් හා රැඩිකල් දේශපාලනික තීන්දු තීරණ ගැනීම ගැන උරුවක් ලැබුනේ එම ආභාශය නිසා බවත් ඔහු පවසා ඇත.
ඒ කෙසේ නමුත් අගමැති රනිල් වික්‍රමසිංහ මහතා යෝජනා කරන ආර්ථිකමය උපාය මාර්ග දක්ෂිණාංශක වූවද දේශපාලන භාවිතාව ඇතැම් තැනකදි වාමාංශික දේශපාලන පක්ෂවලට වඩා වාමාංශික බව පෙන්වා තිබෙන බව බොහෝ දේශපාලනික විචාරකයන්ගේ අවධානයට පාත්‍රවීද තිබේ. මේ පරස්පරතාවයන් ඔහුගේ සුශේෂීතවයට හේතුවක් වී ඇති නමුත් එය මෙරට දේශපාලනය කෙරෙහි කෙසේ බලපැවැත්වේද යන්න පරීක්ෂා කළ හැක්කේ වත්මන් යහපාලන ආණ්ඩුව තුල අගමැතිධුරය සහිත ආණ්ඩු බලය නියමිත පාර්ලිමේන්තු කාලය දක්වා බලපැවැත්වීම සිදු වුවහොත් පමණක් බවත් එම විචාරකයන් පෙන්වා දෙයි.
ඒ කෙසේ නමුත් මෙම සැමරුම් උත්සවය ජාත්‍යන්තර සමාජවාදී දේශපාලන නායකයන්ගේ සහභාගිත්ව ඇතිව ඉහළම ආකාරයෙන් පැවැත්වීමට ද සාකච්ඡා වී තිබේ.
1917 දී රුසියාවේ වී අයි ලෙනින් , ලියොන් ට්‍රොස්කි, ජෝසප් ස්ටාලින් වැනි නායකයන්ගේ මෙහෙයවීමෙන් සිදුවූ සමාජවාදි විප්ලවය පැරනි දින දර්ශනය අනුව ඔක්තෝර්බර් මසයේදි සිදු වුවත් වත්මන් දින දර්ශනය අනුව ඒ නොවැම්බර් මාසයට යෙදි තිබේ. ලෝකයේ සමස්ථ දේශපාලනය උඩු යටිකුරු කළ එම සමාජවාදී විප්ලවයේ සියවස සමරුව ලොව පුරා සියලු වාමාංශික කොටස් මෙම වසර පුරා උත්සවශ්‍රීයෙන් සමරනු ඇත.
