යහපාලන ආණ්ඩුවෙත් චීන කොමිස් මගඩි. ඩොලර් මිලියන 25ක ගැහිල්ලක් මාට්‍ටු

Published in පුවත්
Saturday, 10 October 2015 18:18

කාත්තන්කුඩි අපජලය බැහැර කිරීමේ ව්‍යාපෘතිය (Kattankudy Division Sewerage Disposal Project) ක‍්‍රියාත්මක කිරීම සඳහා ටෙන්ඩර් ලබා දීමේ දී ඇමෙරිකානු ඩොලර් මිලියන 25ක ටෙන්ඩර් මගඩියක් සිදු කර ඇත.

වත්මන් ආණ්ඩුව විසින් මහා පරිමාණ ව්‍යාපෘති ක‍්‍රියාත්මක කිරීම සඳහා පත් කර ඇති විශේෂ ප‍්‍රසම්පාදන කමිටුව මෙම වංචනික ක‍්‍රියාව සිදු කර තිබේ.

ඉකුත් ආණ්ඩු සමයේ කාත්තන්කුඩි ජල ව්‍යාපෘතිය ක‍්‍රියාත්මක කිරීම සඳහා ටෙන්ඩර් කැඳවනු ලැබූ අතර එහි දී චීනයේ Hunan Engineering සමාගම ඇමෙරිකන් ඩොලර් මිලියන 78.9කුත් ප‍්‍රංශයේ Ellipse Projects සමාගම ඩොලර් මිලියන 67.2කුත් වන සේ මිල ගණන් ඉදිරිපත් කර තිබිණි.

තත්ත්වය මෙසේ තිබිය දී එවකට පැවති ආණ්ඩුවේ ජනාධිපති මහින්ද රාජපක්ෂ මහතාගේ උපදෙස් මත ස්ථාවර ප‍්‍රසම්පාදන කමිටුව විසින් කාත්තන්කුඩි ජල ව්‍යාපෘතිය ක‍්‍රියාත්මක කිරීම සඳහා ටෙන්ඩරය ලබා දී තිබුණේ චීනයේ Hunan සමාගමටය.

ඒ සඳහා කැබිනට් අනුමැතිය ලබා දී තිබුණේ 2014.06.19 වන දිනය.

එවකට ආණ්ඩුව විසින් චීන සමාගම වෙත ටෙන්ඩරය ප‍්‍රදානය කර තිබුණේ ඇමෙරිකන් ඩොලර් මිලියන 69කටය. ඒ බව අදාළ කැබිනට් පත‍්‍රිකාවේ ද සඳහන් වේ.

හිස් ලියුම් කවරයක් !

එහෙත් ඉකුත් ආණ්ඩුවට මෙම ව්‍යාපෘතිය ක‍්‍රියාත්මක කිරීමට අවස්ථාවක් නොලැබුණු අතර මේ නිසා වත්මන් ආණ්ඩුවේ විශේෂ ප‍්‍රසම්පාදන කමිටුව චීන සහ ප‍්‍රංශ යන සමාගම් දෙකට යළිත් මිල ගණන් ඉදිරිපත් කිරීමට අවස්ථාවක් ලබා දී තිබිණි.

විශේෂ ප‍්‍රසම්පාදන කමිටුව විසින් ලියාපදිංචි තැපෑලෙන් අදාළ සමාගම් දැනුවත් කරන්නට කටයුතු කර තිබූ අතර එහි දී ප‍්‍රංශ Ellipse Projects සමාගමට යවා ඇති ලිපි කවරයේ කිසිදු ලිපියක් තිබී නැත.

හිස් ලිපි කවරය ලැබීම සම්බන්ධව විමසා බැලීමේ දී දැනගන්නට ලැබී ඇත්තේ කාත්තන්කුඩි ජල ව්‍යාපෘතිය සඳහා ටෙන්ඩර් කැඳවීමට එවන ලද ලිපිය ලිපියක් රහිත හිස් කවරයක් ලෙස ලැබී ඇති බවයි.

ප‍්‍රසම්පාදන කමිටුවට මේ බව දැනුම් දී ඇතත් ඵලක් නොවූ අතර වත්මන් ආණ්ඩුවේ විශේෂ ප‍්‍රසම්පාදන කමිටුව විසින් යළිත් වරක් මෙම ටෙන්ඩරය චීන Hunan සමාගමට ලබා දී ඇත.

එසේ ලබා දී ඇත්තේ ඇමෙරිකානු ඩොලර් මිලියන 92.9කටය. ප‍්‍රංශ Ellipse සමාගම ව්‍යාපෘතිය ක‍්‍රියාත්මක කිරීමට ඩොලර් මිලියන 67කට එකඟතාව පළ කර සිටිය දී චීන Hunan සමාගමට ඩොලර් මිලියන 92.9කට ව්‍යාපෘතිය ප‍්‍රදානය කිරීම බරපතළ සැකයට තුඩු දෙන්නක් වන අතර මේ නිසා ඩොලර් මිලියන 25ක දැවැන්ත කොමිස් මගඩියක් සිදු කර ඇති බව පැහැදිලිය.


Hunan සමාගමේ මෙරට නියෝජිතයා ලෙස කටයුතු කරන්නේ සුප‍්‍රකට Acsses සමාගමේ හිමිකරු සුමල් පෙරේරාගේ බෑනණුවන්ය. ඉකුත් ආණ්ඩු සමයේ චීන සමාගම් විසින් සිදු කළ බොහෝ ව්‍යාපෘති ක‍්‍රියාත්මක වී ඇත්තේ මේ දේශීය ඒජන්තයා හරහාය.

(සත්හඬ)

Last modified on Saturday, 10 October 2015 18:28

Leave a comment

ld add copy

Gossip

රනිල්ගේ දරුවෝ ගේම ඉල්ලලා

රනිල්ගේ දරුවෝ ගේම ඉල්ලලා

ශ්‍රී ලංකා පොදුජන පෙරමුණේ විධායක සභා රැස්වීමක් පසුගිය 27 වෙනිදා පැවැත්විලා තිබුණා. ඒ, හිටපු ජනාධිපති...

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

Connet With Us