ජයසිරි අලවත්ත තක්කඩියා වීම සහ සතුරා, මිතුරා මාරු වීම

Published in පුවත්
Saturday, 28 March 2015 11:47
3 mana වෙබ් අඩවියේ ‘‘ජයසිරි අලවත්ත තක්කඩියා’’ යන මැයෙන් පුවතක් පළ කොට ඇත. එවන් පුවතක් පළ කිරීමට පෙරටුගාමී පක්ෂය පෙලඹී ඇත්තේ මීට සතියකට පමණ පෙර වංගීස සුමනසේකර විසින් පවත්වනු ලැබූ දේශනයක් ම’විසින් lankadaily වෙබ් අඩවියට වාර්තා කිරීම හේතුවෙන් යැයි විශ්වාස කරමි. 
 
ශ්‍රි ලංකා පෙරටුගාමි  පක්ෂයේ දේශපාලන සතුරන් අපගේ දේශපාලන සතුරන් වන අවස්ථා මෙන් ම නොවන අවස්ථා ද ඇත. දේශපාලන සතුරකු වුව ද ඔහු හෝ ඇය විසින් යම් සාධනීය කටයුත්තක නියැළෙන්නේ ද එය අගය කිරීම අප සතු අයිතියකි; යුතුකමකි; අදාළ පුද්ගලයන් සහ කණ්ඩායම් යම් සමාජ විරෝධී හෝ දේශපාලන විරෝධී අකටයුත්තක නියැළෙන්නේ ද එය හෙළා දැකීම සහ එයට විරුද්ධ වීම ද අපගේ අයිතිවාසිකමකි; වගකීමකි. එය පෙරටුගාමී පක්ෂයේ සිට පෙරටුගාමි සමාජවාදී පක්ෂය හරහා ජනාධිපති මෛත්‍රිපාල සිරිසේන මහතා දක්වා ද ඒක රේඛිය තලයක ගමන් කරන්නකි.
 
අනෙක අප මෙම දේශනය පිටපත් කොට පළ කළේ මීට සතියකට පමණ ඉහතදී ය. 3 mana වෙබ් අඩවිය විසින් එයට එරෙහි මඩ ප්‍රහාරය දියත් කරන්නේ සතියක් ඉක්ම යාමෙන් අනතුරුව ය. මේ සම්බන්ධයෙන් ද අපට ගැටලුවක් ඇත. කෙසේ වෙතත් පෙරටුගාමී පක්ෂයේ දේශපාලන සතුරන් සැවොම අපගේ දේශපාලන සතුරන් හෝ මිතුරන් නොවන බව ද එසේ වුව ද අදාළ චරිත හෝ කණ්ඩායම් හෝ ඔවුන්ගේ කාර්යයන් අගය කිරීම හෝ හෙළා දැකීම පෙරටුගාමී පක්ෂයට අවශ්‍යය ආකාරයට සිදු නොකරන බව ද සහෝදරත්වයෙන් පවසන්නෙමු. අප පෙනී සිටින්නේ පුද්ගලයන් හෝ කණ්ඩායම් වෙනුවෙන් නොව කිසියම් දේශපාලනික අවශ්‍යතාවයක් වෙනුවෙනි. 
 
එහෙයිනි වංගීස සුමනසේකරගේ දේශනය පිටපත් කොට පළ කළේ. එහි දී වංගීස පෙර X කණ්ඩායම හෝ එහි නිර්මාතෘවරුන් අමතක කිරීම ඔහුගේ දෝෂයකි. නමුත් ජයසිරි අලවත්ත යන පුද්ගලයා ස්ලැවෝයි ජිජැක් හඳුනා ගන්නේ පෙර X කණ්ඩායම හරහා බව පවසන්නට කිසි සේත් ම මැළි නොවන බව ද මෙහි දී ප්‍රකාශ කළ යුතු ය. නමුත් අදාළ දේශනය පුද්ගලිකව ජයසිරි අලවත්ත ගේ හෝ lankadaily වෙබ් අඩවියේ නොව වංගීස සුමනසේකර ගේ ය. එහෙයින් තම දේශපාලන සතුරාගේ සතුරකු නොවන කණ්ඩායමක් හෝ පුද්ගලයෙක් තමන්ගේ දේශපාලන සතුරකු ලෙස සැලකීමෙන් වැළකි සිටින මෙන් පෙරටුගාමී පක්ෂයෙන් ඉතා සහෝදරාත්මකව ඉල්ලා සිටිමු.
 
 - ජයසිරි අලවත්ත
 
 .......................................................................
 
සංස්කාරක සටහන :
 
 
"..මෙම විපරිතයා පසුගිය දිනක ආපණශාලාවක දී ස්ත‍්‍රීන් දෙදෙනෙකුගේ තට්ටම් සහ තන් මිරීකා ලිංගිකව අතවර කර ඇත. ජිජැක් ගැන දවල්ට කතා කරන මේ තක්කඩියා රාත‍්‍රියට ස්ත‍්‍රී දුෂණයට පෙළඹෙයි. වෙනත් මිනිසුන්ගේ දාර්ශනික සංවාද මැදට පැණ ඒවා හොරා කෑමෙන් නතර නොවී ස්ත‍්‍රීන්ට ද අපහාස කරයි..."
 
"..දැන් අපට lanka Daily වෙබ් අඩවි සංස්කාරකගෙන් අසන්නට දෙයක් ඇත.  මධ්‍යම පාන්තික අපරාධකරුවන්ගේ සමාජ ජීවිතයට දාර්ශනික පුසුඹුවල් ලබා දෙන ඔබලා ඔවුන් විසින් ස්ත‍්‍රීන්ට කරන අපරාධ ගැන නිහඩ වන්නේද ? අප අවධියෙන් බලා සිටින්නෙමු. දර්ශණය ප‍්‍රවෘර්තියක් වන ඔබලාට ස්ත‍්‍රී අපහරණය ප‍්‍රවෘර්තියක් නොවේද? මාලක සිල්වා මෙය කළේ නම් ඔබලා නිකම් සිටිනවාද?"
 
 
ඔබේ සටහනට අනුව මේ කියන සිදුවීම, ගැන අපගේ දැනුම්වත් භාවයක් නොමැත.  එමෙන්ම මේ ඔහුගේ දේශනය හරහා මතුවූ වෙනත් අතිරේක කාරණයක්ද යන්න අපි නොදනිමු. ඒ ගැන දැනුමක් ඔබ වෙත තිබේ නම් ඒ හෙළි කිරීම මෙන්ම ඒ ගැන ජනමාධ්‍ය දැනුම්වත් කිරීම ඔබ විසින් කළ යුතුව තිබේ. ඒ සමාජ ව්‍යාපාරයක් වන ඔබේ වගකීමකි. 
 
ස්ත්‍රීන්ට හෝ අන් කවරෙකුට හෝ වන අපරාධ සම්බන්ධයෙන් නිහඬ සිටීමේ ප්‍රතිපත්තියක්  ලංකා ඩේලි වෙබ් අඩවියට ඇත්තේ නැත. ජනමාධ්‍යක් ලෙස අප ද දරණ යම් මතවාදයන් තිබෙන අතර  මාධ්‍ය මෙහෙයවෙන්නේ ඒ අනුවය.  එහි නිවැරදී භාවය අපගේ දැනුමේ සීමාවන්ට යටත්ව සිදුවන බව අප පිලිගනිමු. (අප තක්කඩීන් ලෙස අනෙකෙකුට අර්ථකතනය කළ හැක්කේ ද මේ සීමාව නිසාය.) එමෙන්ම ලංකා ඩේලි යනු සමාජ ව්‍යාපාරයක් නොවන බවද අවධාරණය කරමු.
 
ඉහතකී දේශනය (ඔබගේ පිළිගැනීම අනුව ඒ දාර්ශනික කටයුත්තකි) අප වෙබ් අඩවියේ පළ කිරීම අරඹයා පැන නැගී ඇති ගැටළුව තුල  ඔබට අනුව එය අපගේ දෝශයක් වන්නේ අදාල දේශකයා ඔබ සඳහන් කරන විදිහේ  අපරාධකරුවකු වීම හා ඒ අපරාධය අප වසන් කරන්නේ යැයි සීමාසහිත වපසරියක සිට කෙරෙන ඔබගේ පූර්ව නිගමනය අනුව බව අපගේ වැටහීමය.
 
  මේ සමාජය ආපස්සට කැර කැවීමට හෝ සමාජය අපරාධකරුවන්ගේ ගොදුරු බවට පත් කිරීමට හෝ ඉඩ දීම නොකළ යුතු බව අපගේ වුවමනාවන් අතර ප්‍රමුඛවන බව සඳහන් කරන අතර ඒ වෙනුවෙන්  ත්‍රීමාන වෙබ් අඩවියත් ඒ මෙහෙයවන ශ්‍රීලංකා පෙර‍ටුගාමී පක්ෂයත්  යම් කාර්ය භාරයක නිරත වේ නම් ඒ වෙනුවෙන් අපගේ සහයද හිමිවනු ඇත. අදල දේශනය පළ කරනු ලැබුවේද එවැනිම අදහසක් පෙර‍ටු කොට ගෙන බව සඳහන් කරමු. ඒ අදාලව කරනු ලැබු විවේචනය ද අප සාධනීය කරුණක් ලෙස බාර ගනිමු.
 
 
 3 මාන වෙබ් අඩවියේ පළවූ සටහන:  ජයසිරි අලවත්ත තක්කඩියා 
 
 
 
 
Last modified on Saturday, 28 March 2015 13:26

Leave a comment

Gossip

රාජපක්ෂවරුන්ට ජෝක් කළැයි සුනිල්ට ආයෙත් ගහලා

රාජපක්ෂවරුන්ට ජෝක් කළැයි සුනිල්ට ආයෙත් ගහලා

ඊයේ රාත්‍රීයේ වත්තල, සෙන්ට් ඇන්තනීස් විද්‍යාලයීය ආදී ශිෂ්‍ය කණ්ඩායමක් විසින් සීදූවේ හෝටල...

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් නීතිඥ තුසිර මැලැව්වෙතන්ත්‍රී මහතා සිය තනතු...

මහින්දගේ මැයි දින ‍රැළියේ වියදම කෝටි 18 පනී !

මහින්දගේ මැයි දින ‍රැළියේ වියදම කෝටි 18 පනී !

පසුගිය මැයි පළමුවනදා ගාලු මුවදොර පිටියෙහි පැවැති ඒකාබද්ධ විපක්ෂ මැයි දින ‍රැළිය හා එම පෙලපාළියෙහ...

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්&zwj...

අනං මනං

Connet With Us

       Google+