එක්සත් ජනතා නිදහස් සන්ධානයේ සභාපතිවරයා ලෙස ජනාධිපති මෛත්‍රීපාල සිරිසේන මහතා පෙරේදා පස්වරුවේ රැස්වූ සන්ධානයේ මධ්‍යම කාරක සභාව ඒකමතිකව පත්කර ගත් අතර උප සභාපති ධුරයට ඩග්ලස්‌ දේවානන්ද මහතා සහ ජාතික සංවිධායක ධුරයට ජනක බණ්‌ඩාර තෙන්නකෝන් මහතාද, උප ලේකම් ධුරයට මහින්ද අමරවීර මහතා ද තෝරා පත්කරගෙන තිබේ.
මීට පෙර එම සන්ධානයේ සභාපතිවරයා ලෙස කටයුතු කළේ හිටපු ජනාධිපති මහින්ද රාජපක්ෂය.
මේ අනුව එක්සත් ජනතා නිදහස් සන්ධානයේ තීන්දු තීරණ කෙරෙහි ජනාධිපතිවරයාගේ බලපෑම තීරණාත්මක ලෙස සිදුවනු ඇත. මෙහිදි මීළඟ අගමැති අපේක්ෂකයා ලෙස මහින්ද රාජපක්ෂව ඉදිරිපත් කළ යුතු බවට එම සන්ධානයේ හා එම සන්ධානය සමඟ කටයුතු කළ පක්ෂවල බලපෑම තවදුරටත් දුර්වල වනු ඇති අතර රජපක්ෂ පවුලේ කිසිවකුට හෝ සන්ධානය තුල යළි බලපරාක්‍රමයන් පැතිර වීමද අහෝසිවනු ඇත.
ආණ්‌ඩුක්‍රම ව්‍යවස්‌ථා සංශෝධනය සහ මැතිවරණ ක්‍රමය යන දෙකම එකවර වෙනස්‌ විය යුතු බවද මෙම රැස්‌වීමේදී පක්ෂ නායකයෝ තීරණය කර ඇත. එමෙන්ම ඉදිරි මහ මැතිවරණයේදී ද බුලත් කොළය යටතේ එක්සත් ජනතා නිදහස් සන්ධානය තරග කිරීමට තීරණය කර තිබේ.
