අනුර කුමාරට එරෙහිව රහස් පොලිසියට පැමිණිලක්

Published in පුවත්
Wednesday, 11 March 2015 07:45

ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා අධිකරණ හෑල්ලුවට සහ අපහාසයට ලක් කරන ප්‍රකාශයක් කළේ යැයි රහස් පොලිසියට පැමිණිල්ලක් ලැබී තිබේ. අනුර කුමාර දිසානායක මහතා පසුගිය පෙබරවාරි 14 වැනිදා මහනුවර තැපැල් සංකීර්ණ ශ්‍රවණාගාරයේ පැවති සම්මන්ත්‍රණයකදී එම ප්‍රකාශය කර ඇති බවද පැමිණිල්ලේ සඳහන් වෙයි.

එම ප්‍රකාශය කළ බව ශ්‍රී ලංකා ගුවන් හමුදාවේ බලපන්ති ලුතිනන්වරයකු වූ (විශ්‍රාමික) ශාන්ත ජයතිලක යන අය විසින් එම පැමිණිල්ල කර තිබේ.

ඔහු කර ඇති පැමිණිල්ලට අනුව පසුගිය පෙබරවාරි 14 වැනිදා මහනුවර තැපැල් සංකීර්ණ ශ්‍රවණාගාරයේදී 'බලපෙරළිය හා ජනතා අභියෝග' නමින් සම්මන්ත්‍රණයක් පවත්වා තිබේ. එහිදී පාර්ලිමේන්තු මන්ත්‍රී අනුර කුමාර දිසානායක මහතා ප්‍රකාශ කර ඇත්තේ ඇවන්ගාඩ් අයිතිකරුගේ විදේශ ගමන් බලපත්‍රය අධිකරණය මඟින් තහනම් කළ පසු එය නැවත ලබාදීමට අධිකරණ ඇමැති විජේදාස රාජපක්ෂ සහ අගමැති උපදේශක තිලක් මාරපන මහතා මැදිහත් වූ බව සඳහන් කර තිබේ.

ඒ අනුව ඇවන්ගාඩ් ආරක්ෂක සමාගමේ හිමිකරු වූ නිශ්ශංක සේනාධිපති මහතාගේ තහනම් කළ විදෙස් ගමන් බලපත්‍රය මහේස්ත්‍රාත්වරයා මුදා හැර ඇත්තේ විජේදාස රාජපක්ෂ මහතා සහ තිලක් මාරපන මහතාගේ බලපෑම මත බවට අනුර කුමාර දිසානායක මහතාගේ ප්‍රකාශයෙන් ඒත්තු ගැන්වෙන බව එම පැමිණිල්ල කළ අය කියා සිටියි.

තවද මහේස්ත්‍රාත්වරයාගේ එම තීන්දුව, මේ ප්‍රකාශය තුළින් බරපතළ ලෙස හෑල්ලුවට ලක් වෙන බැවින් එය මෙරට සමස්ත අධිකරණ පද්ධතියම හෑල්ලුවට අපහාසයට ලක් කිරීමක් බවද කියැවේ. අනුර කුමාර දිසානායක මහතාගේ මෙම ප්‍රකාශය තුළින් මෙරට අධිකරණ පද්ධතිය ස්වාධීන නැතැයි මතවාද ගෙන යන කොටි ඩයස්පෝරා‍ව සහ වෙනත් ජාත්‍යන්තර බලවේගවලට රුකුලක් වන බවද පැමිණිලිකරු කියා සිටියි.

මෙරට පුරවැසියකු මෙන්ම ත්‍රස්තවාදය විනාශ කර මෙරටට සාමය ගෙන ඒමට කැපවූ ආබාධිත රණවිරුවකු වශයෙන් තමාට අයිතියක් ඇති බැවින් මෙම පැමිණිල්ල කරන බවද පැමිණිලිකරු පවසයි.

එබැවින් මෙම පැමිණිල්ල විභාග කර අනුර කුමාර දිසානායක මහතා අධිකරණයේ ස්වාධීනත්වය හෑල්ලු කරමින් කර ඇති ප්‍රකාශයට එරෙහිව අදාළ නීතිය ක්‍රියාත්මක කරන ලෙස ඉල්ලා සිටියි.

 

dinamina

Last modified on Wednesday, 11 March 2015 07:57

Leave a comment

Gossip

රාජපක්ෂවරුන්ට ජෝක් කළැයි සුනිල්ට ආයෙත් ගහලා

රාජපක්ෂවරුන්ට ජෝක් කළැයි සුනිල්ට ආයෙත් ගහලා

ඊයේ රාත්‍රීයේ වත්තල, සෙන්ට් ඇන්තනීස් විද්‍යාලයීය ආදී ශිෂ්‍ය කණ්ඩායමක් විසින් සීදූවේ හෝටල...

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් නීතිඥ තුසිර මැලැව්වෙතන්ත්‍රී මහතා සිය තනතු...

මහින්දගේ මැයි දින ‍රැළියේ වියදම කෝටි 18 පනී !

මහින්දගේ මැයි දින ‍රැළියේ වියදම කෝටි 18 පනී !

පසුගිය මැයි පළමුවනදා ගාලු මුවදොර පිටියෙහි පැවැති ඒකාබද්ධ විපක්ෂ මැයි දින ‍රැළිය හා එම පෙලපාළියෙහ...

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

මුදල් ඇමැතිකම වෙනුවට රවීට ලොකු තනතුරක් යෝජනා වේ. රවී බෑ කියයි.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්&zwj...

අනං මනං

Connet With Us

       Google+