පොලිස්පති අස් වුණොත් මං අස්වෙනවා - මර්වින්

Published in පුවත්
Wednesday, 09 July 2014 14:10

බේරුවල - අලුත්ගම ප්‍රදේශවලදී පසුගිය ජුනි මස 15 වැනි දින සිදුවීම් සම්බන්ධයෙන් පොලිස්පතිවරයා තමන්ට පැවැරී ඇති බලතල ප්‍රකාරව නිසි පරිදි තම රාජකාරි ඉටු කිරීමට අපොහොසත් වීම නිසා ඔහු එම තනතුරෙන් ඉල්ලා අස්විය යුතු බවත් ඔහු එසේ ඉල්ලා අස් නොවන්නේ නම් ඊට විරෝධය දක්වා තමන් මන්ත්‍රි ධුරයෙන් ඉල්ලා අස්වන බවටත් පාර්ලිමේන්තු මන්ත්‍රී පාලිත තෙවරප්පෙරුම මහතා කළ ප්‍රකාශයට ප්‍රතිචාරයක් දක්වමින් පොලිස්පතිවරයා සිය ධුරයෙන් ඉල්ලා අස්වේ නම් දක්ෂ නිලදරුවකු රටට අහිමි කිරීම පිළිබඳ විරෝධය පාමින් තමන් පාර්ලිමේන්තු මන්ත්‍රි ධුරයෙන් ඉල්ලා අස්වීමට සූදානම් යැයි මහජන සම්බන්ධතා හා මහජන කටයුතු අමාත්‍ය මර්වින් සිල්වා මහතා පවසයි.

අලුත්ගම සහ බේරුවල ප්‍රදේශවල ඇති වූ සිද්ධීන් සම්බන්ධයෙන් පොලිස්පති ඉල්ලා අස්නොවූ බැවින් පාලිත තෙවරප්පෙරුම මහතා සිය පාර්ලිමේන්තු මන්ත්‍රි ධුරයෙන් ඉල්ලා අස්වීම රාජ්‍ය සේවයට කරනු ලබන අභියෝගයක් යැයිද ඇමැතිවරයා පවසයි.

රාජ්‍ය සේවය ආරක්ෂා නොවුණහොත් අයාලේ යන සමාජයක් රටේ නිර්මාණය වනු ඇතැයි පවසන ඇමැතිවරයා ගෞරවාන්විත රාජ්‍ය සේවය යම්කිසි කෙනකු කී පළියට ඉල්ලා අස්වන තත්ත්වයකට හෑල්ලු කිරීම පිළිගත් සමාජ රාමුව බිඳ දැමීමට කරන උත්සාහයක් යැයි පවසයි.

යමකු රාජ්‍ය සේවයට එක්වන හා රාජ්‍ය සේවයෙන් ඉල්ලා අස්වේ නම් එය කළ යුතු විධිමත් පිළිවෙළක් ඇතැයි පවසන ඇමැතිවරයා දේශපාලනඥයන් ලෙස ජනතා කැමැත්ත මත අප වරින් වර වෙනස් වුවත් රාජ්‍ය සේවය සැමදා පවතින බවත් පෙන්වා දෙයි.

පාලිත තෙවරප්පෙරුම මන්ත්‍රිවරයාගේ ඉල්ලා අස්වීම රජයට එරෙහිව අප්‍රසාදය ගොඩ නැඟීමට කරන එක්තරා කුමන්ත්‍රණකාරී සැලසුමක තුරුම්පුවක් වන බව පවසන මර්වින් සිල්වා මහතා ඉදිරියේදී එහි සැඟවුණු රහස හා අදෘශ්‍යමාන හස්තය රටට හෙළිවනු ඇතැයි විශ්වාසය පළ කරයි.

කෙසේ නමුත් තෙවරප්පෙරුම මහතා පාර්ලිමේන්තු මන්ත්‍රි ධුරයෙන් ඉල්ලා අස්වීමට අදාළ ලිපිය තමන් ඊයේ (8දා) පෙරවරුවේ එජාප නායක රනිල් වික්‍රමසිංහ මහතාට භාරදීමට ගිය අවස්ථාවේ එම ඉල්ලා අස්වීමේ ලිපිය භාරගැනීම එජාප නායකයා විසින් ප්‍රතික්ෂේප කරන ලද බව කළුතර දිස්ත්‍රික් එජාප පාර්ලිමේන්තු මන්ත්‍රි පාලිත තෙවරප්පෙරුම මහතා පවසයි.

Leave a comment

worky

worky1

ld add copy

Gossip

සජිත්-අනුර විවාදය ITN  එකේ කොහොම හරි පෙන්වන්න.. ජනපතිගෙන් නියෝගයක්

සජිත්-අනුර විවාදය ITN එකේ කොහොම හරි පෙන්වන්න.. ජනපතිගෙන් නියෝගයක්

සජිත් ප්‍රේමදාස මහතා සහ අනුර කුමාර මහතා අතර පැවැත්වීමට නියමිත තමතමන්ගේ පක්ෂ වල ආර්ථික ප්‍රතිපත්ති සම...

ලක්ෂපාන ඇල්ලෙන් පැන්න තරුණ තරුණියෝ

ලක්ෂපාන ඇල්ලෙන් පැන්න තරුණ තරුණියෝ

ලෝකයේ ත්‍රාසජනක ක්‍රීඩාවක් ලෙස හදුන්වන waterfall rope swing jump ලක්ෂපාන දියඇල්ල ආශ්‍රිතව ලංකාවේ පළම...

අම්ම තාත්තගෙන් පස්සේ මට වටින්නේ එයා - දුශේනිගේ එයා කවුද?

අම්ම තාත්තගෙන් පස්සේ මට වටින්නේ එයා - දුශේනිගේ එයා කවුද?

දුශේනි කියනනේ තරුණ රංගන ශිල්පිනියක් වගේම ලෝක රූ රැජිනියක් වශයෙන් කිරුළු පැළඳ සිටින සුරුපිනියක්.

චීනයෙන් දිනේෂ්ට අමුතු සැලකිල්ලක්

චීනයෙන් දිනේෂ්ට අමුතු සැලකිල්ලක්

අග්‍රාමාත්‍ය දිනේෂ් ගුණවර්ධන, සය දින නිල සංචාරයකට චීනයට ගියේ චීන ආණ්ඩුවෙන් ලැබුණු ආරාධනාවක් අනුවය. ඉ...

Connet With Us