ඒ "වෛද්‍ය අංශයේ විෂයන් 3ට A ගත්ත අය 6000ක් ඉන්නවා. රජයේ මෙඩිකල් ෆැකල්ටි වලට ගන්නෙ 2000 යි. A 3 ගත්ත 4000ක් වෛද්‍ය පීඨ වලට තේරෙන්නෙ නැතුව යනවා. පසුගිය අවුරුද්දෙන් වුනත් අරගෙන පෙන්නන්න පුළුවන්" කියමින්ය.
ධනවාදයේ හැසිරීම එබඳුය. එහි ශාන්තුවරයින් නැති අතර පිළිම පවා ශුද්ධත්වයට පත්කිරීම භයානකය. ඊට පිළිමද කැමති නැත. ප්‍රාග්ධනය යනු මේ සමාජය වෙලා ඇති මායාවය. මේ මායාව එළියට නොඑන්නේ වමේ සමහර පිස්සු පූසන් ධනවාදයට සමාජවාදී පැලැස්තර අලවන්න පොරකන නිසාය. එහෙත් ඒ වෙනුවට අවශ්‍ය ධනවාදයේ මායාව සොයා යන අයට ඒ වෙනුවෙන් නිදහස ලබා දීමය. ඒ මිනිසුන් බලහත්කාරයෙන් උඩුගම් බලා යැවිය යුතු නැත. ගාමිණී වියන්ගොඩ මහතා අද ප්‍රාග්ධන මායාව වෙත සමීපව ඇති අතර ඔහුගේ ශ්‍රමයෙන් සමාජය හැදු පිළිමය බෝල් බව තහවුරු කර ඇත. නැතිනම් හැමදාම වගේ සිදුවන්නේ සමාජය සෙක්සි කකුල් නිසා අමාරුවේ වැටීමය.
මෝක්ෂය ඉක්මන් වන්නේ දොරටුව අවහිර නොකළ විටය. තවත් මහත්වරු පෝලිමේ සිටින බැවින් ඒ උදවියට ඉදිරියට යන්නට ඉඩදී පසෙකට වීම එක්තරා ආකාරයක රැඩිකල් දේශපාලනයක්ය.
සෝමවංශ අමරසිංහ පරපුරේ දේශපාලනය අවසන් බවට තවදුරටත් සාක්ෂි අනවශ්‍ය අතර නෝවාගේ බෝට්ටුව ඔවුන් තමන් වෙත අඩුක් කරගනිමින් සිටියි.
-සෝර්බා
