ජන මතයේ පොල්ලට ලොකු වළං නැති බව ශී‍්‍ර ලංකා නිදහස් පක්‍ෂයේ දැන මුත්තන් තේරුම් ගෙන නැති පාටය. 2015 ජනවාරි 8 වෙනිදාත් සමස්ත ශී‍්‍රලනිපයම කල්පනා කළේ මහින්ද පරාද කරන්න බැරිය කියාය. මහින්දට එරෙහිව සටන් කරන හැම එකාම නිකමුන් කියා ය. එහෙත් මහින්ද පොරක් නොවන බව රටේ බහුතර ජනතාව ඔප්පු කර හමාරය. හිටපු විධායක ජනාධිපතිට අද අගමැති කමට තරඟ වදින්න සිද්ධ කළේ සිවිල් සංවිධාන ප්‍රමුඛව එක්සත් ජාතික පක්ෂ සහ සෙසු පක්ෂ විසිනි.
මහින්ද චින්තනය අනුව පින් පව් තේරුවේද මහින්ද විසිනි. මහින්ද චින්තනයට අනුව ජනතාවට පැවරී ඇත්තේ කතිරය ගසා ගෙදර යාම පමණය. ඡන්ද ගණන් කර තමන් කැමති මිනිසුන් පත් කිරීම මැතිවරණ කොමසාරිස් ලවා කරවන ලද්දේ මහින්ද චින්තනය විසිනි. එකී ප‍්‍රතිපල අනුව පාර්ලිමේන්තුවේ බහුතරයට අවශ්‍ය ඔලූ ගෙඩි සල්ලි වලට ගත්හ. එතැන් පටන් රටේ නීතිය ලෙස සැලකුණේ සම්මත නීතිය නොවේ. මේ විස්තර කළේ මැද මුලන පාලනයයි. දැන් එය අවසන්ය. මැදමුලන පාලනය තක්කඩින්ට හොරුන්ට සැපයකි. එහෙත් දියණීයන් සිටින මව්වරුන්ට අපලයකි.
ඒ මහින්ද චින්තන පාලන යුගයේ ස්තී‍්‍ර දූෂණ ප‍්‍රමාණය සියයට පන්සීයකින් ඉහළ ගිය නිසාය. ඒ අශිෂ්ඨ පාලනය නැවත රට අල්ලන සටන ආරම්භ කර ඇත. ඒ සඳහා දූෂීත ශී‍්‍රලනිපය නිදහස් සංධානය සමග මහින්දගේ නායකත්වයෙන් මැතිවරණයට ඉදිරිපත් වේ. පසුගිය දිනවල මහ මැතිවරණයට නාම යෝජනා සඳහා සුදුස්සන් තේරීමේ කි‍්‍රයාවලිය ඩාර්ලි පාරේ පැවැත්විණ. එහි පැමිණියේ රහතුන් වැඩි මග ගමන් කළ සුද්ධවන්තයන් නොවේ. පල් හොරුන්ය. තක්කඩින්ය. සමාජ දූෂකයන්ය. ඒ අතර සාරුව ලියනගේ සුනිල්ද විය. සාරුව ලියනගේ සුනිල් යනු පුරවැසියෙකු බව සැබෑය. එහෙත් සාරුව ලියනගේ සුනිල්ට එරෙහි නඩු ගණනාවකි. ඔහු ප්රසිද්ධ මහින්ද පාලනය යටතේ අකුරැස්ස ප‍්‍රදේශයේ නීතිය අතට ගත් පුරවැසියෙක් ලෙසය. ඔහු ඒ ප‍්‍රදේශයේ ප‍්‍රාදේශීය සභා සභාපති හැටියට ද කි‍්‍රයා කර ඇත. දැන් ඔහුට ඒ තනතුර නැත. දැරියන් සියයක් දූෂණය කොට පාටියක් දැම්මේ තංගල්ලේ එකාද අකුරැස්සේ එකාද යන්න හරියටම දන්නේ ගිරුවා පත්තුවේ මිනිසුන්ය. හේතුව නීතියක් නැති රටේ කෙළිකාරයා ඒ පළාතේ උපන් එකෙක් නිසා පමණක් නොවේ. ඒ කෙළිකාරයාම තමන් උපන් පළාතේ හැම අපරාධකාරයාටම ආරක්‍ෂාව සලසන නිසාය.
ජනවාරි 9 වෙනිදා පරාද වී මැදමුලනට ගිය පසුව අරූ මරලා හරි බලය ගත්තේ නැත්තේ ඇයි කියා ඇසුවේ ගමේ පන්සලේ හාමුදුරුවෝ නොවේ. වරෙන්තු පිට මැද මුලන ගෙදර සැඟවී සිටි වරන්තු කාරයෙකි. ඒ ප‍්‍රකාශය පසුව ලංකාවේ ප්රසිද්ධ ගායිකාවක් ගීතයක් ලෙස අභයාරාමයේදී ගායනා කළ බව රටම දනිති. මහින්ද ඉල්ලන පිරිස් බොහෝය. ඔවුන් භික්‍ෂුන් වුනත්, කලා කාරයන් වුනත්, ගුරුවරුන් වුනත් ඒ හැම කෙනාටම ලැබෙන්නේ සාරුව සුනිල්ලාට ලැබෙන සහතිකයමය. මහින්ද චින්තනය රටට කළ විනාසය එවැන්නකි.
ලෙනාඩ් වුල්ෆ් කී පරිදි වැඩිවිය පත් දැරියන් වතුර නාවා ගම්බාරගේ ගෙදරට පිටත් කරන සම්ප‍්‍රදාය තිබුණේ මහින්ද රාජපක්‍ෂගේ මුතුන් මිත්තන් ගම් පාලනය කළ යුගයේය. රුහුණේ ගිරුවා පත්තුවේ සංස්කෘතිය එහෙම එකකි. ගමේ චණ්ඩි ලවා මල්වරවූ දැරිය කෙළසා ගැනීම පොලොන්නරුවට ආඩම්බරයක් වුණේ නැත. මහනුවරට ආඩම්බරයක් වුණේ නැත. පුත්තලමට ආඩම්බරයක් වුණේ නැත. එහෙත් ගමේ චණ්ඩි ලවා මල්වරවූ තම දියණීය කිළිටි කරවා ගැනීම කුරුණෑගලට ආඩම්බරයක් බව ඔප්පු කරන්නට ටී.බී. ඒකනායක උත්සාහ කරයි.
පියමුණේ
